झण्डै ३ वर्षपछि सामाजिक सञ्जालमा ट्रम्पको पहिलो ट्विट : जेलले जारी गरेको तस्बिर सार्वजनिक

 भदौ ८, २०८० शुक्रबार ८:४६:४६ | एजेन्सी
unn.prixa.net

तस्बिर : एजेन्सी

अमेरिकी पूर्व राष्ट्रपति एवम् रिपब्लिकन नेता डोनाल्ड ट्रम्पले झण्डै तीन वर्षपछि ट्विट गरेका छन् । सामाजिक सञ्जाल एक्स (जसलाई पहिले ट्विटरको नामले चिनिन्थ्यो) मा उनले ट्विट गरेका हुन् । मगशट भनिने प्रहरी रेकर्डमा राखिने तस्बिर सार्वजनिक गर्दै उनले ट्विट गरेका हुन् ।

तस्बिरसँगै उनले आफ्नो वेबसाइटको जानकारी पनि राखेका छन् । उनले सञ्चालन गर्ने अभियानका लागि यो वेबसाइटमार्फत् रकम सङ्कलन गरिने छ । यसअघि ट्रम्पले सन् २०२१ को जनवरी ८ तारिखमा ट्विट गरेका थिए । त्यसपछि अहिले पहिलो पटक ट्विट गरेका हुन् ।

 

सन् २०२१ मा अमेरिकी संसद् क्यापिटल हिलमा ट्रम्प समर्थकले हिंसा मच्चाएका थिए । यो घटनासँग सम्बन्धित ट्रम्पका ट्विटले थप हिंसा मच्चिने सम्भावना रहेको भन्दै ट्विटरले  प्रतिबन्ध लगाइदिएको थियो । गएको वर्ष ट्विटरलाई आफ्नो स्वामित्वमा लिएका एलन मस्कले ट्रम्पमाथिको प्रतिबन्ध हटाएको बताउनु भएको थियो ।  तर, ट्रम्ले यो सामाजिक सञ्जालको प्रयोग गरेका थिएनन् । उनले आफ्नै सामाजिक सञ्जाल बनाएका थिए । जर्जिया राज्यको फुल्टन काउन्टी जेलबाट रिहा भएपछि उनले ट्विट गरेका हुन् ।  

ट्रम्प २ लाख डलरको जमानतमा रिहा भएका बीबीसीले जनाएको छ । फुल्टन काउन्टी जेलमा आत्मसमर्पण गरेपछि उनलाई औपचारिक रुपमा गिरफ्तार गरिएको थियो । त्यहाँ उनका औँठाछाप लिइएको र मगशट भनिने प्रहरी रेकर्डमा राखिने फोटो खिचिएको थियो ।

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भन्सार महसुल घटेसँगै सुनकाे भाउ एकैदिन तोलामा १५ हजार नौ सय रुपैयाँले घट्यो

२

चितवन दुर्घटना अपडेट : ज्यान गुमाएका दुवै जनाको पहिचान खुल्यो

३

सभामुख घिमिरे र कम्बोडियाका प्रधानमन्त्रीबीच भेट, लुम्बिनी–अङ्गकोर सीधा हवाई उडान शुरू गर्न पहल

४

मानव तस्करीको अभियोगमा पक्राउ परेका कोशी प्रदेशका पूर्वमन्त्री अधिकारीविरुद्ध मुद्दा नचल्ने

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई