सैन्य कानून घोषणा गरेकोमा दक्षिण कोरियाका राष्ट्रपति युनद्वारा माफी माग

मंसिर २२, २०८१ शनिबार ९:१६:४४ | एजेन्सी

दक्षिण कोरियाका राष्ट्रपति युन सुक येओलले 'मार्शल ल' अर्थात् सैन्य कानून घोषणा गरेकोमा माफी माग्नुभएको छ । देशवासीका नाममा सम्बोधन गर्दै राष्ट्रपति युनले 'मार्शल ल' घोषणा गर्ने आफ्नो निर्णयका लागि माफी माग्नुभएको बीबीसीले जनाएको छ ।

आफ्नो घोषणाबाट हुने कुनै पनि कानूनी र राजनीतिक जिम्मेवारी मुद्दाहरूलाई बेवास्ता नगर्ने भन्दै उहाँले अर्काे 'मार्शल ल' घोषणा नहुने प्रतिबद्धता जनाउनुभएको छ । राष्ट्रपति युनले आफ्नो कार्यकालको मुद्दा आफ्नो पार्टीमा छोडेको भन्दै आफ्नो सम्बोधन सक्नुभएको खबरमा उल्लेख छ । उहाँले देशको भावी व्यवस्थापनको जिम्मेवारी आफ्नो पार्टी र सरकारको हुने पनि बताउनुभएको छ ।

राष्ट्रपति युनले मार्शल ल घोषणालाई लिएर राजीनामा दिनेबारे भने केही उल्लेख गर्नुभएन । तर उहाँकै पार्टीका नेताले पनि राष्ट्रपतिले राजीनामा दिनुपर्ने बताएका छन् । यस्तै प्रमुख प्रतिपक्ष दलका नेताले राष्ट्रपति युनको भाषण ‘धेरै निराशाजनक’ भएको टिप्पणी गर्नुभएको छ ।

यसैबीच सैन्य शासन लागू गर्ने असफल प्रयासपछि राष्ट्रपति युनविरुद्धको महाभियोगमा मतदान आजका लागि तय भएको छ । राष्ट्रपछि युनले पूरै देश र विश्वलाई चकित पार्ने गरी गएको मङ्गलवार राति 'मार्शल ल’ घोषणा गर्दै केही घण्टामै फिर्ता गर्नुभएको थियो ।

अन्तिम अपडेट: चैत १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सैन्य कानून घोषणा गरेकोमा दक्षिण कोरियाका राष्ट्रपति युनद्वारा माफी माग

फाइल फाेटाे

तपाईको प्रतिक्रिया