सिरियाको विद्रोही समूह राजधानी दमास्कसमा प्रवेश

मंसिर २३, २०८१ आइतबार ८:१६:१६ | एजेन्सी

सिरियाको विद्रोही समूह राजधानी दमास्कसमा प्रवेश गरेको छ । तेस्रो ठूलो शहर होम्स कब्जामा लिए लगत्तै विद्रोही लडाकु राजधानी दमास्कसमा प्रवेश गरिरहेका विद्रोहीले आफ्नो टेलिग्राम च्यानलमार्फत बताएको बीबीसीले जनाएको छ ।

दमास्कसमा गोली चलेको आवाज आइरहेको स्थानीयवासीले बताएका छन् । इस्लामिक विद्रोही समूह एचटीएसले आक्रमण शुरू गरेको दुई हप्ता पनि नपुग्दै अलेप्पो, हामा, होम्स लगायतका ठूला शहर कब्जा गर्दै राजधानीमा प्रवेश गरेको हो ।

विद्रोही समूह प्रवेश गर्नु अघि नै सिरियाली राष्ट्रपति बसर अल–असद भागिसक्नुभएको केही अन्तर्राष्ट्रिय सञ्चारमाध्यमले जनाएका छन् । राष्ट्रपतिको कार्यालयले उहाँ दमास्कसमै रहनुभएको उल्लेख गरेको छ । तर उहाँ देखिनुभएको छैन ।

राष्ट्रपतिको कार्यालयले राजधानीलाई जोगाउन सरकारी सेना सफल हुने दाबी गरेको छ । यसैबीच लेबनानको विद्रोही समूह हिजबुल्लाहले सिरियाली सेनाको सहयोगका लागि केही फौज पठाएको समाचार संस्था एएफपीले जनाएको छ ।

सिरियालाई रुस, लेवनान लगायत देशले सहयोग गर्दै आएकोमा ती देश युद्धमा रहेको मौकामा विद्रोहीले सिरियाको सत्ता कब्जा गर्ने प्रयास गरिरहेको हो ।

अन्तिम अपडेट: चैत २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सिरियाको विद्रोही समूह राजधानी दमास्कसमा प्रवेश

तस्बिर : एजेन्सी

तपाईको प्रतिक्रिया