आईपीएल क्रिकेटमा बेङ्गलुरुले चेन्नईलाई ५० रनले हरायो

चैत १६, २०८१ शनिबार ७:३४:५१ | उज्यालो सहकर्मी

काठमाण्डौ – इण्डियन प्रिमियर लिग (आईपीएल) क्रिकेटमा रोयल च्यालेन्जर्स बेङ्गलुरु (आरसीबी) ले चेन्नई सुपर किंग्सलाई ५० रनले हराएको छ ।

हिजो भएको खेलमा चेन्नई घरेलु मैदानमा पराजित भयो । जीतका लागि एक सय ९७ रनको लक्ष्य पछ्याएको चेन्नईले निर्धारित २० ओभरमा ८ विकेट गुमाएर एक सय ४६ रन मात्र बनाउन सक्यो ।

चेन्नईका रचिन रविन्द्रले सर्वाधिक ४१ रन बनाए । महेन्द्रसिंह धोनी ३० रनमा अविजित रहे । आरसीबीका जोस हेजलवुडले ३ तथा यश दयाल र लियम लिभिङ्स्टोनले समान २ विकेट लिए ।

त्यसअघि चेन्नईमा टस हारेर ब्याटिङ गरेको आरसीबीले निर्धारित २० ओभरमा ७ विकेट गुमाएर एक सय ९६ रन बनाएको थियो । उसका कप्तान रजत पाटिदारले सर्वाधिक ५१ रन बनाए । फिल साल्टले ३२ र विराट कोहलीले ३१ रन जोडे । चेन्नईका नुर अहमदले ३ तथा मथिशा पथिरानाले २ विकेट लिए ।

जीतसँगै आरसीबीको दुई खेलमा ४ अङ्क भएको छ । पहिलो खेलमा उसले कोलकाता नाइट राइडर्सलाई हराएको थियो । आज गुजरात टाइटन्स र मुम्बई इन्डियन्सबीच खेल हुनेछ ।

अन्तिम अपडेट: चैत १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्