म्यानमारमा भूकम्पपछि पनि सैन्य सरकारकाे हवाई आक्रमण रोकिएन

चैत १७, २०८१ आइतबार १२:२८:४८ | एजेन्सी

म्यानमारमा शक्तिशाली भूकम्प गएर जनजीवन तहसनहस भएको बेलामा पनि सैन्य सरकारले हवाई आक्रमण जारी राखेको छ । भूकम्प गएको तीन घण्टा नपुग्दै सेनाले गरेको हवाई आक्रमणमा सात जनाको ज्यान गएको बीबीसीले जनाएको छ ।

सेनाले अहिले पनि आक्रमण रोकेको छैन । भूकम्पको केन्द्र सागाइङ्गको चाङ्ग–यू टाउनशिपसहित अरू ठाउँमा सेनाले आक्रमण गरेको बीबीसीको खबरमा उल्लेख छ ।

सन् २०२१ मा सत्ता कब्जा गरेको म्यान्मारको सैनिक सरकार जुन्ताले चार वर्षदेखि चलिरहेको गृहयुद्धका कारण देशको धेरै हिस्सामाथि नियन्त्रण गुमाइसकेको छ । त्यहाँ विद्रोही समूह र भ्रष्टाचार विरोधी समूह सेनासँग युद्धरत अवस्थामा छन् ।

यसैबीच भूकम्पका कारण ज्यान गुमाउनेको सङ्ख्या एक हजार ६ सय ४४ जना पुगेको छ । तीन हजार चार सय आठ जना घाइते भएका छन् । एक सय ३९ जना बेपत्ता रहेका जानकारी दिइएको छ ।

अहिले पनि स्थानीय बासिन्दाले हातैले भग्नावशेष पन्छाएर मानिस खोज्ने प्रयास गरिरहेका छन् । अत्यावश्यक उपकरणको अभाव, कमजोर सञ्चार सञ्जाल तथा क्षतिग्रस्त सडक पूर्वाधार एवम् पुलका कारण खोजी कार्यमा असर परिरहेको छ ।

बीबीसीसँगको कुराकानीमा एक उद्धारकर्मीले भनेका छन्– ‘उद्धार कार्यमा कुनै समन्वय छैन, नेतृत्व गर्न कोही छैन अथवा के कसरी गर्ने भन्नलाई कोही छैन । स्थानीय बासिन्दाले आफ्ना लागि आफैँ गर्नुपरेको छ । शव भेटिहाले पनि कहाँ पठाउने भन्ने टुङ्गो छैन । अस्पतालमाथि चाप छ ।’

अन्तिम अपडेट: चैत १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

म्यानमारमा भूकम्पपछि पनि सैन्य सरकारकाे हवाई आक्रमण रोकिएन

तस्वीर : एजेन्सी

तपाईको प्रतिक्रिया