छोराछोरी बिदेशमा, बाआमालाई चिन्ता मात्र

माघ १५, २०७५ मंगलबार १७:५३:४६ | मेरो कथा मेरो भोगाई

धनरानी लिम्बू/मोरङ ।

उमेरले ५० नाघ्यो । तर मेरा दुःखहरु बुढा भएका छैनन् । आफू पनि दुःखैमा हुर्किएँ, अनि आफ्नो बालबच्चा पनि दुःखमा नै हुर्काएँ ।

जिन्दगीमा सुखदुःखको श्रृँखला पनि यस्तो हुँदो रहेछ, जुन कहिल्यै नसकिने । उमेरसँगै दुःखका प्रकृति फरक हुने रहेछ । तर दुःखबिनाको जीवन त हुन्न झैं पो लाग्छ मलाई त ।

पहिला बालबच्चा कसरी पालौं भन्ने चिन्ता थियो । केही हुने पो हो कि, लड्ने हुन् कि भन्ने चिन्ता । खुट्टा लागेपछि देश विदेश हिँड्न थाले, अब अर्को चिन्ता थपियो ।

पहिला मेरो जेठो छोराले आमा विदेश जान्छु भन्यो । घरको दुःखले नजाउ न त भन्न पनि सकिनँ । अरुको घरमा कति बस्नु ? बिरालोले बच्चा सारेझैं कोठा सार्दै हुर्काएको हो मैले बालबच्चा । अब ठूलो भएर उसले कमाउन जान्छु भन्यो । जाउ भनेर पठाएँ ।

तर मैले र छोराले सोचे जस्तो भएन कतारमा काम र कमाइ । काम राम्रो नभएर तीन महिनामै फर्कियो । बुहारी सुत्केरी थिइन् त्यो बेलामा । छोरा उल्टो ऋण लगाएर फर्किएपछि बुहारी सानो नानी छाडेर मलेसिया गइन् ।

बुहारीले बरु मलेसियामा राम्रो नै कमाएकी छन् । उनले नै कमाएर जग्गा पनि किनेकी छन् । हामीलाई पनि बेलाबेलामा खर्च पठाउँछिन् । उनले विदेशमा कमाएकी छन् । तर मलाई भने उसको सानो नानीको साह्रै पीर लाग्छ । हामीसँग बस्न मान्दैन । बुहारीकै बहिनीहरुसँग बस्छ । घरमा त बेलाबेलामा मात्र आउँछ ।

बाच्चालाई आमा हुँदा जस्तो नहुने रहेछ । आमा बाउ भएर पनि टुहुरो झैं भएको छ नानी । अहिले त कान्छो छोरा पनि मलेसिया नै गएको छ । विदेशमा कमाएको देखिन्छ, तर आमा बुवालाई भने साह्रै पो चिन्ता हुन्छ त ।

झन् विदेशबाट कतिका छोरा बाकसमा प्याक भएर फर्किएका छन् । त्यस्तो सुन्दा र देख्दा त रातभरी निद्रा लाग्दैन । के गर्नु हिजोआज अर्काको देशमा जाने चलन आयो । छोराछोरी विदेश जान्छन् । बुवाआमालाई चिन्ताको भारी हुन्छ । यतै केही गर्न सकिन्छ भने त कसैका छोराछोरी पनि विदेश नजाउन् भन्ने लाग्छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्