टी–२० महिला क्रिकेट लिग अक्शन: १५ देखि ८० हजार रुपैयाँमा खेलाडीहरु अनुबन्ध

चैत १७, २०७५ आइतबार १७:११:२९ | उज्यालो सहकर्मी

नेपालमा पहिलो पटक आयोजना हुन लागेको टी–२० महिला क्रिकेट लिगका लागि खेलाडी अक्सनमा नाम चलेका खेलाडी नै महङ्गो रकममा बिक्री भएका छन् । कुल ८० खेलाडी समावेश भएकोमा अक्सनमा समावेश हुँदा १० जना खेलाडी अधिकतम रकममा बिक्री भए ।

अक्सनमा ए श्रेणीमा २१ जना, बी श्रेणीमा २५ जना र सी श्रेणीमा ३५ जना खेलाडी रहेका छन् । एक टिमले कूल ६ लाख ५० हजार रुपैयाँ अक्सनमा खर्च गर्न पाउने नियम थियो । जसमा महंगो रकममा अनुबन्ध हुनेमा राष्ट्रिय खेलाडी ज्योति पाण्डेलाई अधिकतम ७५ हजार रुपैयाँमा धनगढीले अनुबन्ध गर्यो ।

यस्तै सोनु खड्कालाई ७५ हजारमा भैरहवाले अनुबन्ध गर्यो । राष्ट्रिय क्रिकेटर इन्दु बर्मालाई भैरहवाले अधिकतम ७५ हजार रुपैयाँमा भित्र्यायो । सरिता मगरलाई काठमाडौंले ७५ हजार रुपैयाँमा भित्र्यायो । रोमा थापालाई ७५ हजार रुपैयाँमा काठमाण्डौले टिममा लिन सफल भयो ।

अक्सनमा काजल श्रेष्ठलाई विराटनगरले अधिकतम ७५ हजार रुपैयाँमा अनुबन्ध गर्यो । उनीमाथि तीन टिमले समान बोली लगाएका थिए । जसमा लक्की ड्र बाट विराटनगरले टिममा लिएकाे हाे । ए श्रेणीमा रहेकी कविता कुवँरलाई अधिकतम ७५ हजारमा धनगढीले अनुबन्ध गर्यो । अप्सरी बेगम ७५ हजारमा विराटनगरमा अनुबन्ध भइन् भने विन्दु रावल ७५ हजारमा भैरहवामा आबद्ध भइन् ।

यस्तै सुमन विष्टलाई ५० हजारमा काठमाण्डाैले खरिद गर्दा रितुकुमारी कनौजियालाई ६५ हजारमा विराटनगरले किन्यो । यस्तै रश्मी शर्मा चौलागाईं ५० हजारमा भैरहवामा र संगिता राई ४० हजारमा धनगढीमा गइन् ।

डोली भट्टलाई ४० हजारमा विराटनगरले खरिद गर्दा मञ्जुकुमारी बोगटी ५० हजारमा काठमाण्डाैमा अनुबन्ध भइन् । यस्तै रेखा रावल ५० हजारमा धनगढीमा अनुबन्ध हुँदा प्यारी चौधरी २५ हजारमा विराटनगरमा गइन् । यस्तै कृति सेन २५ हजारमा काठमाण्डाैमा र सरस्वती पुन विराटनगरमा अनुबन्ध भइन् ।

सबनम राईलाई धनगढीले ७० हजारमा भित्र्यायो । रेवती धामी पनि अक्सनमा ५० हजारमा काठमाडौंले खरिद गर्यो । नीतू भण्डारी ४३ हजारमा भैरहवाले खरिद गर्यो । बी श्रेणीबाट अक्सनमा नाम दर्ता गराएकी अञ्जली चन्दलाई अधिकतम ५० हजार रुपैयाँमा विराटनगरले खरिद गर्यो । यस्तै सुमन खतिवाडालाई अधिकतम ५० हजार रुपैयाँमा काठमाडौंले किन्यो ।

बी श्रेणीमा रहेकी एलीशा केसीलाई भैरहवाले ४७ हजारमा टिममा भित्र्यायो । सरस्वतीकुमारी चौधरीलाई भैरहवाले ४० हजारमा अनुबन्ध गर्यो । अनुराधा चौधरी ३५ हजारमा विराटनगरमा अनुबन्ध भइन भने अमिशा कर्माचार्यलाई ३५ हजारमा विराटनगरले खरिद गर्यो । कृतिका अरासिनीलाई विराटनगरले २५ हजार रुपैयाँमा अनुबन्ध गर्यो ।

मनिषा रानालाई धनगढीले अधिकतम २५ हजारमा धनगढी टिममा भित्र्यायो । यस्तै रुवी पोडारलाई धनगढीले अधिकतम २५ हजारमा खरिद गर्यो । ै इश्वरी विष्टलाई काठमाडौंले १५ हजारमा खरिद गर्यो । सञ्जु लामालाई विराटनगरले १५ हजार रुपैयाँमा अनुबन्ध गर्यो । सुष्मा श्रेष्ठलाई विराटनगरले १५ हजारमा अनुबन्ध गर्यो ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्