‘रअ’का प्रमुखसँग प्रधानमन्त्रीकाे भेट भएकाे छैन : सञ्चारमन्त्री बाँस्कोटा

साउन ९, २०७६ बिहीबार १७:५८:२९ | उज्यालो सहकर्मी

काठमाण्डौ – सञ्चार तथा सूचना प्रविधि मन्त्री गोकुल बास्कोटाले ‘रअ’का प्रमुख सामन्त गोयल र प्रधानमन्त्री केपी शर्मा ओलीबीच भेट नभएको स्पष्ट पार्नुभएको छ ।

मन्त्रिपरिषद् बैठकको निर्णय सार्वजनिक गर्न बिहीबार सञ्चार मन्त्रालयमा आयोजित पत्रकार सम्मेलनमा मन्त्री बास्कोटाले रअका प्रमुखले प्रधानमन्त्रीलाई भेटेको भनी आएको समाचारमा सत्यता नभएको दाबी गर्नुभएको हो ।

उहाँले भन्नुभयो, ‘हामीलाई थाहा छैन । आएको हो र भेटेको हो भने पनि प्रचलित डिप्लोमेटिक प्रोटेकलकै आधारमा भेटघाटहरु हुनुपर्ने हुन्छ । त्यसैले प्रधानमन्त्रीज्यूले भेट्नुभएको छैन ।’

दुवै जनाको कता–कताको फोटो जोडेर भेटघाट भएको भन्दै मूलधारका सञ्चारमाध्यमले समेत भेटै नभएको कुरालाई तथ्य प्रमाणबिना समाचार प्रकाशित गरेको बताउनुभयो ।

दुवै जनाको कता–कताको फोटो राखेर भेटघाट भयो भनेर ढाँटियो भन्दै उहाँले मेनस्ट्रिम मिडिया लाई ‘कुहिरीमण्डलको खेती’मा नरुमल्लिन आग्रह गर्नुभयो ।

'रअ'का प्रमुखले अन्य नेतासँग गरेको भेटघाटका सम्बन्धमा पनि उहाँले अनभिज्ञता जनाउनुभयो । उहाँले भन्नुभयो, ‘को–कस्ले भेटे ? को–कस्लाई त्यस्ता भेटघाट गर्ने बानी लाग्या छ थाहा छैन ।’

पूर्व प्रधानमन्त्री लगायतसँग 'रअ'का प्रमुखले गरेको भेटघाट कुटनीतिक मर्यादा अनुसार छ त भन्ने पत्रकारको जिज्ञासामा उहाँले भेटबारे नै आफूलाई जानकारी नभएको प्रतिक्रिया दिनुभयो ।

अन्तिम अपडेट: चैत ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्