चितवन जिल्ला अदालतको आदेश बदर गर्न माग गर्दै रवि लामिछाने उच्च अदालतमा

भदौ १७, २०७६ मंगलबार १६:४८:४८ | उज्यालो सहकर्मी

मकवानपुर – चितवन जिल्ला अदालतको आदेश बदरको माग गर्दै सञ्चारकर्मी रवि लामिछाने र युवराज कँडेल उच्च अदालत पाटनको हेटौँडा इजलासमा पुगेका छन् ।

गएको भदौ ९ गते चितवन जिल्ला अदालतले लामिछानेलाई ५ लाख र कँडेललाई ३ लाख धरौटी माग गरेको प्रति चित्त नबुझेपछि उनीहरु आदेश बदरको माग गर्दै उच्च अदालतको हेटौँडा इजलासमा पुगेका हुन् ।

दुवै जनाले मंगलबार जिल्ला अदालतले गरेको आदेश बदर गरिपाउँ भनेर संयुक्त निवेदन दर्ता गराएको उच्च अदालत पाटनको हेटौँडा इजलासका प्रवक्ता अमृत घिमिरेले जानकारी दिनुभयो ।

चितवन जिल्ला अदालतबाट भएको आदेश बदर गरी साधारण तारेखमा रही मुद्धाको पूर्पक्ष गरी पाउँ भन्दै निवेदन दर्ता गरिएको प्रवक्ता घिमिरेले बताउनुभयो ।

पत्रकार शालिकराम पुडासैनीको आत्महत्या दुरुत्साहन प्रकरणमा चितवन जिल्ला अदालतले दुवै जनालाई धरौटीमा रिहा गरेको थियो । शंकास्पद भिडियोलाई वस्तुनिष्ठ प्रमाणको रुपमा लिइ सर्तसहित आदेश गरिएको र धरौटी माग गरिएकाले त्यसमा चित्त नबुझेपछि खारेजीको माग गर्दै उच्च अदालतमा निवेदन दर्ता गरिएको हो ।

चितवन जिल्ला अदालतको आदेश बेरितको रहेको भन्दै फौजदारी कार्यविधि संहिता २०७४ को दफा ७३ बमोजिम चितवन जिल्ला अदालतको आदेश बदर गरी साधारण तारेखमा रही मुद्दा पुर्पक्ष गरी पाउँ भनी उनीहरुले निवेदन दर्ता गराएका हुन् ।

निवेदनको विषयमा बुधबार उच्च अदालत पाटन, हेटौँडा इजलासले प्रारम्भिक सुनुवाइ गर्ने बताइएको छ । लामिछाने र कँडेलको तर्फबाट अधिवक्ता राजेन्द्र सेढाईँले बुधबार बहस तथा पैरवी गर्ने जनाइएको छ ।

अन्तिम अपडेट: चैत ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्