राष्ट्रपति सीलाई स्थापित गर्ने गरी चिनियाँ कम्युनिस्ट पार्टीद्वारा 'ऐतिहासिक प्रस्ताव' पारित

कात्तिक २६, २०७८ शुक्रबार ७:५०:१७ | उज्यालो सहकर्मी

काठमाण्डाै - चिनियाँ राष्ट्रपति सी जिनपिङलाई राजनीतिक इतिहासमा स्थापित गर्ने गरी चिनियाँ कम्युनिस्ट पार्टीले एउटा ऐतिहासिक प्रस्ताव पारित गरेको छ ।

पार्टीको एक सय वर्ष लामो इतिहासको सारांशको रूपमा रहेको यो दस्ताबेजमा पार्टीका महत्त्वपूर्ण उपलब्धिहरू र भावी दिशाबारे सम्बोधन गरिएको छ । हिजो चीनको सबैभन्दा महत्त्वपूर्ण राजनीतिक बैठकको छैटौँ पूर्ण सत्रमा यो दस्ताबेज पारित भएको हो । पार्टी स्थापना पछि यस्तो प्रस्ताव पारित भएको यो तेस्रो पटक हो ।

पहिलो पटक सन् १९४५ मा माओत्से तुङ् र दोस्रो पटक सन् १९८१ मा दङ सिओपिङले यस्तो प्रस्ताव पारित गरेका बीबीसीले जनाएको छ । यो कदम पार्टीका संस्थापक माओ र उहाँका उत्तराधिकारी दङसँग सीलाई बराबरीको हैसियत प्रदान गर्नेप्रति लक्षित रहेको खबरमा उल्लेख छ ।

आउँदाे वर्ष हुने नेशनल कंग्रेस बैठकमा सीले ऐतिहासिक रूपमा राष्ट्रपति पदमा तेस्रो कार्यकालको माग राख्ने अपेक्षा गरिएको छ । सन् २०१८ मा चीनले राष्ट्रपतिका लागि दुई कार्यकालको व्यवस्था खारेज गरेको थियो जसले सीलाई आजीवन शक्तिमा रहने बाटो खोलिदिएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्