काठमाण्डाै – वेस्ट इन्डिजसँगको पहिलो टी–२० क्रिकेटमा घरेलु टाेली अस्ट्रेलिया विजयी भएकाे छ । हाेबार्टमा आज भएकाे खेलमा अस्ट्रेलियाले वेस्ट इन्डिजलाई ११ रनले हरायाे ।

अस्ट्रेलियाले दिएको २ सय १४ रनको लक्ष्य पछ्याएको वेस्ट इन्डिजले २० ओभरमा ८ विकेट गुमाएर २ सय २ रनमात्र बनाउन सक्यो । वेस्ट इन्डिजका ब्रान्डन किङले ५३, जोनसान चार्ल्सले ४२, जेसन होल्डरले नट आउट ३४ रन बनाए । अस्ट्रेलियाका एडम जम्पाले ३ विकेट लिए ।

यसअघि टस हारेर ब्याटिङ गरेको अस्ट्रेलियाले २० ओभरमा ७ विकेट गुमाएर २ सय १३ रन बनायो । अस्ट्रेलियाका डेभिड वार्नरले ७० रन बनाए । वेस्ट इन्डिजका आन्द्रे रसेलले ३ विकेट लिए । वार्नरको यो १०० औँ टी–२० खेल हो । उनी क्रिकेटको ३ वटै फर्म्याटमा १०० औँ खेल खेल्ने पहिलो अस्ट्रेलियाली ब्याटर बनेका छन् । यसअघि न्युजिल्यान्डका रस टेलर र भारतका विराट कोहलीले यो उपलब्धि हासिल गरेका थिए ।

३ खेलको टी–२० शृङ्खलाको दोस्रो खेल पर्सि आइतवार र अन्तिम खेल मङ्गलवार हुनेछ । यसअघि भएको ३ खेलको एकदिवसीय अन्तर्राष्ट्रिय क्रिकेट शृङ्खलामा अस्ट्रेलियाले ‘क्लिन स्वीप’ गरेको थियो ।