भ्रष्टाचार विरोधी अभियानमा झिङ्गामात्रै होइन बाघ फेला परे त्यो पनि जान्छ: ओली

फागुन २, २०७५ बिहीबार १४:७:५६ | उज्यालो सहकर्मी

काठमाण्डौ – प्रधानमन्त्री केपी शर्मा ओलीले भ्रष्टाचार विरोधी अभियानमा झिङ्गामात्रै मार्ने नभई बाघ फेला परे पनि नछाडिने दावी गर्नुभएको छ ।

‘नेपालको पानी, जनताको लगानी’ कार्यक्रमको उद्घाटन गर्दै उहाँले भ्रष्टाचारमा जतिसुकै ठूला भनिएकाहरु भए पनि नछाडिने बताउनुभयो ।

‘छिमेकी देश चीनमा एउटा भनाइ छ, सि जिनफिङले एउटा कुरा भन्नुभएको छ, भ्रष्टाचार विरोधी अभियानले झिङ्गा मात्रै मार्ने होइन । यो अभियानमा झिङ्गामात्रै मारेर हुँदैन बाघ फेला परे त्यसलाइ पनि छाडिन्न भन्ने, हो त्यस्तै नेपालमा पनि मेरो नीति त्यही हो’, ओलीले भन्नुभयो, ‘भ्रष्टाचार विरोधी अभियानमा झिङ्गामात्रै मारेर हुँदैन बाघ फेला परे त्यो पनि जान्छ ।’

ट्रान्सपरेन्सी इन्टरनेशनलले पछिल्लो पटक सार्वजनिक गरेको भ्रष्टाचार हुने देशहरुको सूचिमा नेपाल झनै तल खस्केको देखाएको छ । प्रधानमन्त्री ओलीले भ्रष्टाचारमा शुन्य सहनशीलता अपनाइएको भन्न नछोडे पनि भ्रष्टाचार झनै मौलाउँदै गएको देखाएको हो ।

प्रधानमन्त्री ओलीले अहिले विभिन्न प्रकारका कुप्रचार छर्ने काम भइरहेको भन्दै त्यस्तो भ्रममा नपर्न पनि आग्रह गर्नुभयो ।

‘अन्यौल सिर्जना गर्ने दुष्प्रयासहरु भइरहेको छ, राष्ट्र निर्माण र समृद्धि हासिल गर्ने कुरा हाम्रै पालामा सम्भव छ,’ उहाँले भन्नुभयो, ‘त्यसका लागि आत्मविश्वासका साथ अघि बढौँ, यसमा ढुक्क हुनुस् साथीहरु, यो अभियान राष्ट्र निर्माणको अभियान हो ।’

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्