दुई बालिकालाई अपहरण गरी बलात्कार गरेकाे आराेपमा दुई जना पक्राउ

चैत ११, २०७७ बुधबार ११:३३:५३ | राजु लामिछाने

रुकुम पूर्व – दुई जना बालिकालाई अपहरण गरी शरीर बन्धक र जबरजस्ती करणी गरेको आरोपमा दुई जना युवा पक्राउ गरेका छन् । रुकुम पूर्वका १४ र १५ वर्षका दुई बालिकालाई अपहरण गरी शरीर बन्धक बनाइ करणी गरेको अभियोगमा रुकुम पूर्वकै दुई जनालाई पक्राउ गरिएको जिल्ला प्रहरी कार्यालय रुकुम पूर्वले जानकारी दिएको छ ।

पक्राउ पर्नेमा २३ वर्षका युवा र १४ वर्षका किशाेर रहेको जिल्ला प्रहरी प्रमुख प्रहरी नायब उपरीक्षक गणेशबहादुर श्रेष्ठले जानकारी दिनुभयो । उहाँका अनुसार उनीहरुलाई सोमबार पक्राउ गरिएको हो । चैतको १ गते घरबाट हराएका ती बालिकाहरु ९ दिनसम्म पनि परिवारको सम्पर्कमा नआएपछि सोमबार मात्रै प्रहरीमा आफन्तको निवेदन परेको डीएसपी श्रेष्ठले बताउनुभयो ।

निवेदन परेलगत्तै प्रहरीले अनुसन्धान थालेको र त्यही दिन अभियुक्त दुई जनालाई रुकुमकोटबाट पक्राउ गरिएको उहाँले जानकारी दिनुभएको छ । अपहरण गरेर कोठामा बन्धक बनाएर राखेको दिनबाटै बालिकामाथि बलात्कार हुँदै आएको अनुसन्धानबाट खुलेको डीएसपी श्रेष्ठले बताउनुभयाे । डीएसपी श्रेष्ठकाअनुसार ती बालिकाहरुलाई बिहान ५ बजेको समयमा दिसा पिसाब गराउनको लागि आफै शौचालय पुर्याउने र त्यसपछि दिनभरी कोठामा थुनेर राख्ने गरेको खुल्न आएको छ ।

बालिकाहरु रुने, चिच्याउने गरेमा विभिन्न धम्की दिएर डराइरहेको पनि प्रहरीले जनाएको छ । जबरजस्ती करणी गर्ने उद्देश्यले बालिकाको अपहरण गरी बन्धक बनाएको खुल्न आएको प्रहरीले जनाएको छ । अभियुक्त दुई जनामाथि अपहरण, शरीर बन्धक र जबरजस्ती करणीको मुद्धा दर्ता गरिएको छ ।

बालीकाको भने स्वास्थ्य परीक्षण चलिरहेको र प्रहरीको संरक्षणमा राखिएको छ । उनीहरुको स्वास्थ्य अवस्था सामान्य रहेको बताउँदै छिटै आफन्तको जिम्मा लगाउने डीएसपी श्रेष्ठले बताउनुभएको छ । प्रहरीले आराेपी दुवै जनालाई थप अनुसन्धानका लागि भन्दै रुकुमकोट जिल्ला अदालतबाट म्याद थपाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दुई बालिकालाई अपहरण गरी बलात्कार गरेकाे आराेपमा दुई जना पक्राउ

फाइल तस्बिर

तपाईको प्रतिक्रिया