भारतीय कम्पनीको रुघाखोकीको औषधि ६६ जना बालबालिकाको मृत्युसँग सम्बन्धित, डबलुएचओद्वारा चेतावनी जारी

असोज २०, २०७९ बिहीबार १२:५३:२२ | एजेन्सी

विश्व स्वास्थ्य संगठन डब्ल्यूएचओले भारतको मेडन फर्मास्युटिकल्स कम्पनीले बालबालिकाका लागि भनेर उत्पादन गरेको रुघाखोकीका औषधि प्रयोग नगर्न सुझाव दिएको छ ।

गाम्बियामा रुघाखोकीको औषधि खाएका ६६ जना बालबालिकाको ज्यान गएको र ज्यान जानुमा त्यही औषधिको कारण हुनसक्ने भन्दै डब्ल्यूएचओको औषधि प्रयोग नगर्न सुझाव दिएको हो ।

डब्लूएचओले हिजो मिडिया बिफ्रिङका क्रममा गाम्बियामा दिइएको चार प्रकारका औषधिका कारण बालबालिकाको ज्यान गएको हुन सक्ने सम्भावना रहेको जनाएको छ ।

औषधिबाट मिर्गौलामा गम्भीर असर र ६६ बालबालिकाको मृत्युसँग सम्बन्धित रहेको डब्लुएचओले जनाएको छ । यो औषधि भारतको मेडन फर्मास्युटिकल्स लिमिटेडले उत्पादन गरेको हो ।

यो औषधि अन्य देशमा पनि निर्यात भएको हुन सक्ने भन्दै ती देशलाई पनि यो औषधि प्रयोग नगर्न डब्लुएचओले आग्रह गरेको छ । यो औषधि बारे डब्लुएचओ र भारतको नियामक प्राधिकरणले अनुसन्धान थालेका छन् ।

यो औषधिमा डाइथिलिन ग्लाइकोल र एथिलिन ग्लाइकोलको अनुचित मात्रा पाइएको द हिन्दु पत्रिकालाई उल्लेख गर्दै बीबीसी हिन्दीले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतीय कम्पनीको रुघाखोकीको औषधि ६६ जना बालबालिकाको मृत्युसँग सम्बन्धित, डबलुएचओद्वारा चेतावनी जारी

फाइल फाेटाे

तपाईको प्रतिक्रिया