विश्व अटिजम जागरुकता दिवस : चेतनामूलक कार्यक्रम गरी मनाइँदै

चैत २०, २०८१ बुधबार ९:४२:५९ | उज्यालो सहकर्मी

काठमाण्डौ – आज अप्रिल २ तारिख, विश्व अटिजम जागरुकता दिवस नेपालमा पनि अटिजमको अवस्था र सुधारबारे विभिन्न चेतनामूलक कार्यक्रम गरी मनाइँदैछ ।

दिवसको अवसरमा विश्वभर अप्रिल महिनामा अटिजमबारेको सचेतना र बालबालिकाको प्रोत्साहनका लागि विभिन्न कार्यक्रम गर्ने गरिएको छ ।

संयुक्त राष्ट्रसङ्घको आह्वानमा सन् २००७ देखि अटिजम भएका व्यक्तिको मानवअधिकार, मौलिक स्वतन्त्रताको उपभोग सुनिश्चित गर्न समाजका सबै वर्गले सघाउनुपर्ने मान्यताका साथ दिवस मनाउन थालिएको हो ।

पछिल्लो समय विश्वमै अटिजम भएका बच्चा जन्मिने दर बढ्दो छ । नेपालमा यकिन तथ्याङ्क नभए पनि राष्ट्रिय जनगणना ०७८ अनुसार चार हजार आठ सय ४६ जना अटिजम भएका बच्चा छन् । तर यो सङ्ख्या निकै कम भएको यस क्षेत्रका विज्ञहरु बताउँछन् ।

विश्वमा भने यसको सङ्ख्या साढे दुईदेखि तीन लाखसम्म रहेको विश्व स्वास्थ्य सङ्गठनको तथ्याङ्क छ । अटिजम जन्मजात बच्चाको मस्तिष्कमा आउने अवस्था भएकाले उनीहरुको उमेरअनुसार सञ्चार र व्यवहारको विकास हुँदैन । त्यसैले बच्चामा अटिजमको पहिचान हुनासाथ थेरापी आवश्यक पर्ने विज्ञहरु बताउँछन् ।

सामान्यदेखि जटिल अवस्थाकालाई थेरापी दिन सकेमा जटिलता कम हुँदै जाने अकुपेशनल थेरापिस्ट गंगा गुरुङले बताउनुभयो ।

उहाँले सामान्य अटिजम भएकालाई पढ्ने, सिक्ने वातावरण भयो भने उनीहरुको अवस्थामा छिटै सुधार हुने भएकाले उनीहरुलाई स्वास्थ्य, शिक्षा, रोजगारीका अवसर दिनुपर्ने बताउनुभयो । तर अभिभावकले अटिजम भएका आफ्ना बालबालिकालाई समाजले हेलाको दृष्टिकोणले हेर्ने र विद्यालयसमेतले भर्ना लिनै नमान्ने, थेरापी सेन्टरहरू पनि महंगो हुनेजस्ता गुनासो गर्ने गरेका छन् ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्व अटिजम जागरुकता दिवस : चेतनामूलक कार्यक्रम गरी मनाइँदै

प्रतीकात्मक तस्बिर

तपाईको प्रतिक्रिया