दाङ बस दुर्घटनाका घाइते ६ जना डिस्चार्ज, ५ जनाको आईसीयूमा उपचार हुँदै

पुष १०, २०७५ मंगलबार ८:३४:५ | हेमराज शर्मा

दाङ – तुलसीपुरको राम्रीमा गएको शुक्रबार भएको बस दुर्घटनामा घाइते भएका शहीद कृष्णसेन इच्छुक बहुप्राविधिक शिक्षालय घोराहीका १३ विद्यार्थीमध्ये ६ जना डिस्चार्ज भएका छन् । घाइते पाँच जनालाई आईसीयूमा राखेर उपचार गरिएको छ । अन्य दुईजना वीर अस्पतालको ट्रमा सेन्टरकै इमरजेन्सीमा राखिएको छ ।

घाइते जुम्लाकी हिमाली हमालको बाँकेको कोहलपुरबाटै डिस्चार्ज गरिएको थियो भने काठमाडौंमा थप पाँच जना डिस्चार्ज भएका छन् । डिस्चार्ज हुनेहरुमा अछाम मंगलसेनका विक्रम भण्डारी, जुम्ला चन्दननाथका कुसेन्द्र खत्री, रुकुम त्रिवेणीका प्रेमबहादुर खड्का, टीकापुर कैलालीकी समीक्षा रोकाय र चन्दननाथ जुम्लाकी वर्षा रोकाया रहनुभएको छ ।

उनीहरुमध्ये विक्रम भण्डारी आफन्तसँग बसेको र बाँकी चार जनालाई सीटीईभीटीको प्रशिक्षण केन्द्रको गेष्ट हाउसमा राखिएको शिक्षामन्त्रीका प्रमुख सल्लाहकार जीवन गौतमले जानकारी दिनुभयो ।

बाँकी घाइतेमध्ये जुम्ला चन्दननाथका जीवन भण्डारी, रुकुम सानीभेरीकी रेजिना पुन, रोल्पा परिवर्तन गाउँपालिकाका प्रकाश ओली र दाङ बंगलाचुली गाउँपालिका स्यूजाकी मेनुका रिजाललाई ट्रमा सेन्टरको आइसियूमा राखिएको छ भने अछाम मंगलसेनका युवराज ढुंगानालाई शिक्षण अस्पताल महाराजगञ्जको आईसीयूमा राखिएको छ ।

त्यस्तै रुकुम सानीभेरीका राजन डाँगी र अछाम मंगलसेनका भद्र बिष्टलाई ट्रमा सेन्टरको इमरजेन्सीमा राखेर उपचार भइरहेको गौतमले जानकारी दिनुभयो । अर्का घाइते गाडी स्टाफ दाङको सञ्जय खनालको कोहलपुर अस्पतालमा उपचार भइरहेको छ ।

गएको शुक्रबार सल्यानको कपुरकोट मूलपानीमा अध्ययन अवलोकन गरी फर्कने बेला दाङको शहीद कृष्णसेन इच्छुक बहुप्राविधिक शिक्षालयका शिक्षक विद्यार्थी चढेको गाडी राम्रीमा दुर्घटना हुँदा २३ जनाको ज्यान गएको थियो दुर्घटनामा १४ जना घाइते भएका थिए । गम्भीर घाइतेहरलाई शनिबार नै उपचारका लागि काठमाडौं लगिएको थियो ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्