कार्यालय सहयोगीले चलाउँछन् कोइलाबास भन्सार नाका

पुष १५, २०७५ आइतबार १८:७:१२ | हेमराज शर्मा

दाङ – देउखुरी क्षेत्रमा पर्ने नेपाल–भारत जोड्ने कोइलाबास भन्सार नाका अहिले सुनसान छ ।

कोइलाबासको भन्सार कार्यालयमा पाँचजनाको दरबन्दी रहेको छ । तर कार्यालयमा भने करारमा राखिएका कार्यालय सहयोगी मात्र हुन्छन् । कार्यालय सहयोगीको धेरैजसो दिनको काम कार्यालय खोल्ने र बन्द गर्ने हुने गरेको छ ।

२०४५ सालतिर भारतले यो नाका बन्द गर्ने निर्णय गरेपछि कार्यालय पनि कामविहीन बनेको हो । यो नाका कुनै समय देशभर धेरै राजस्व उठाउने भन्सार नाका मध्ये दोश्रो नम्बरमा पर्ने गथ्र्यो ।

तर गएको १० वर्षको तथ्यांक हेर्ने हो भने यो भन्सार कार्यालयबाट आर्थिक वर्ष ०६६/६७ मा सबैभन्दा बढी ५० लाख रुपैयाँ राजस्व संकलन भएको छ । चालु आर्थिक वर्षको पाँच महिना मध्ये सबैभन्दा बढी मंसिर महिनामा १ लाख ३२ हजार रुपैयाँ संकलन भएको कार्यालय सहयोगी बिनोद थापाले जानकारी दिनुभयो ।

चालु आर्थिक वर्षको पहिलो महिना साउनमा २ हजार ९ सय रुपैयाँ मात्रै राजश्व संकलन भएको कार्यालयको तथ्यांकले देखाउँछ । नेपालतर्फ भन्सार कार्यालय र कर्मचारिको दरबन्दी रहे पनि भारततर्फ भने भन्सारको कुनै कार्यालय छैन ।

यो नाकाबाट सामान आयात तथा निर्यात गर्दा भारतको कृष्णनगर भन्सार कार्यालयबाट अनुमति लिनुपर्ने हुन्छ । यो झन्झटिलो प्रकृयाका कारण पनि नाका सुनसान भएको कोइलाबास क्षेत्रका वडा अध्यक्ष सद्दाम सिद्धिकी बताउनु हुन्छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्