गगन थापाकाे प्रश्न : म सांसद भएर खुशी हुँ कि नागरिक भएर दु:खी हुँ ?

 जेठ २१, २०७६ मंगलबार १६:५३:४९ | उज्यालो सहकर्मी
unn.prixa.net

फाइल फाेटाे

काठमाण्डाै - नेपाली कांग्रेसका सांसद सरकारले अघि सारेको समृद्ध नेपाल सुखी नेपालीको नारा बजेटमा प्रतिबिम्बित हुन नसकेको बताउनुभएको छ । 

प्रतिनिधिसभाको मंगलबारको बैठकमा आर्थिक वर्ष २०७६/७७ को बजेटमाथिको छलफलमा सहभागी हुदै सांसद थापाले सरकारको लक्ष्यअनुसार बजेटमा विकासको दर्शन आउन नसकेको टिप्पणी गर्नुभयो ।

बलियो सरकारले ल्याएको बजेटमा विकासको प्रस्थान विन्दु गाउँ हो कि शहर हो भन्ने मा नै अन्योल देखिएको तर्क उहाँले गर्नुभयो । बजेटमा आर्थिक विकासको र राजश्वको लक्ष फेला नपरेको, नेकपाको विकास दर्शन र सिद्धान्त फेला नपरेको तथा मन्त्रालयगत प्राथमिकता निरासाजनक भएको टिप्पणी उहाँले गर्नुभयो । बहुमतको सरकारले देशको आर्थिक विकासका लागि निरन्तरतामा क्रम भंग गरी रुपान्तरणको बाटोमा अघि बढ्छ भन्ने नागरिकको अपेक्षा सम्बोधन गर्न नसकेको दाबी गर्नुभयो ।

उहाँले सम्मुन्त अर्थतन्त्रका लागि पर्यटन, राजश्व परिचालन लगायत क्षेत्रमा प्रभावकारी सुधार आउन नसकेको बताउनुभयो । उहाँले बजेटमा आएका निर्वाचन क्षेत्र र वृद्धा भत्ताका कार्यक्रमलाई मात्रै हेरे खुशी हुँ कि दुखी हुँ भनी प्रश्न गर्नुभयो ।  

उहाँले भन्नुभयो, 'मजस्तो एउटा व्यक्ति सांसद भएर खुशी हुँ कि नागरिक भएर दुखी हुँ ? खुशी हुँ कि दु:खी हुँ  । म अलमलमा परेको छु ।'

 

अन्तिम अपडेट: चैत १५, २०८०

तपाईको प्रतिक्रिया