गैंडाकाेटमा जुवा खेल्ने दश जना पक्राउ

साउन १३, २०७६ सोमबार ११:२१:५६ | उज्यालो सहकर्मी

नवलपरासी - नवलपरासीकाे गैंडाकोट नगरपालिका –५, बाट जुवा खेल्दै गरेका दश जनालाई प्रहरीले पक्राउ गरेको छ ।

गैंडाकोट –५, बैकुण्ठ टोलमा रहेकाे चुडामणी पौडेलको घरमा जुवा खेलीरहेका दश जनालाई पक्राउ गरिएको जिल्ला प्रहरी कार्यालय नवलपरासी पूर्वका प्रहरी उपरीक्षक मोहनप्रसाद पोखरेलले बताउनुभयो ।

प्रहरीले गैंडाकोट घर भएका ३५ वर्षीय लक्ष्मिकान्त पौडेल, ५० वर्षीय चुडामणी पौडेल, ३८ वर्षका लोकनाथ शर्मा, २६ वर्षका शालिकराम पौडेललाई पक्राउ गरेकाे हाे । यस्तै ४३ वर्षीय देबेन्द्र चालिसे, ३० वर्षीय हरिप्रसाद तिवारी, ४२ वर्षीय शिवहरि ढकाल, बाग्लुङ्ग घर भएका ४३ वर्षीय केशव सुवेदी, ४९ वर्षीय डोलराज शर्मा र ५८ वर्षीय गोकर्ण आचार्य पक्राउ परेका छन् । प्रहरीले जुवाको खालबाट ८० हजार ९ सय ३५ रुपैयाँ समेत बरामद गरेको छ ।

पक्राउ परेका सबैजनालाई इलाका प्रहरी कार्यालय गैंडाकोटमा राखिएको छ । उनीहरु विरुद्ध मुलुकी अपराध संहिता २०७४ को दफा १ सय २५ अनुसार जुवा सम्बन्धी मुद्धा दर्ता गरी कारबाही प्रक्रिया अगाडी बढाइने प्रहरी उपरीक्षक पोखरेलले बताउनुभयो ।

जस अनुसार पहिलो पटक जुवा खेल्नेलाई तीन महिना कैद वा तीस हजार रुपैयाँ जरिवाना र दोश्रो पटक खेल्नेलाई एक वर्ष कैद वा पचास हजार रुपैयाँ जरिवाना हुन सक्ने प्रावधान छ ।

अन्तिम अपडेट: चैत १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्