दाङका विद्यालयमा भौतिक कक्षा पुनः सञ्चालन

कात्तिक १६, २०७७ आइतबार ८:१९:५९ | हेमराज शर्मा

दाङ - दाङका विद्यालयमा भौतिक कक्षा पुनः सञ्चालन भएका छन् ।

कोरोना भाइरस सङ्क्रमणको जोखिम बढ्दै गएपछि बन्द भएका दाङ घोराहीका विद्यालयहरु आजदेखि सञ्चालनमा आएका हुन् । उपमहानगरपालिकाले असोज २५ गतेदेखि कार्तिकको १५ गतेसम्मलाई पालिकाभित्रका सम्पूर्ण विद्यालयको पठनपाठन बन्द गर्ने निर्णय गरेको थियोे ।

शिक्षा समितिको पहिलेकै निर्णयअनुसार कार्तिक १६ गतेदेखि घोराही उपमहानगरपालिका भित्रका सम्पूर्ण विद्यालयहरु सञ्चालनमा आएको घोराही उपमहानगरपालिका शिक्षा महाशाखाका प्रमुख विनोद गौतमले जानकारी दिनुभयो।

महाशाखाका अनुसार धेरै विद्यालयले विद्यार्थीको चापअनुसार बिहान र दिउँसो गरेर दुई सिफ्टमा कक्षा सञ्चालन गरेका छन् । विद्यालयले स्वास्थ्य मापदण्ड अनिवार्य रुपमा पालना गर्नुपर्ने पनि गौतमले बताउनुभयो । यस्तै बबई गाउँपालिकाले पनि आजदेखि नै शिक्षण सिकाइका क्रियाकलापहरु सञ्चालन गर्ने निर्णय गरेको छ ।

विद्यार्थी, शिक्षक र अभिभावकको सहमतिमा लामो समयदेखि बन्द रहेको शिक्षण सिकाइको कार्यलाई पुनः सञ्चालन गर्ने निर्णय गरेको बबई गाउँपालिका शिक्षा, युवा तथा खेलकुद शाखा अधिकृत मोहन दाहालले जानकारी दिनुभयो। त्यस्तै तुल्सीपुर उपमहानगरपालिकाले पनि आजदेखि सिकाइ क्रियाकलाप अघि बढाइएको छ । तर लमही नगरपालिकाले भने मंसिर १ गतेसम्म विद्यालय बन्द गरेको छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्