'अब समुदायस्तरमै खोप अभियान'

फागुन ९, २०७७ आइतबार १०:५९:४७ | डा . झलक शर्मा गाैतम

काठमाण्डाै - कोरोना भाइरसविरुद्धको खोप अभियान प्रभावकारी रुपमा अगाडि बढिरहेको छ । सबैभन्दा राम्रो पक्ष भनेको खोप लगाएकामध्ये अहिलेसम्म कसैलाई पनि गम्भीर स्वास्थ्य समस्या देखिएको छैन । केहीलाई भने सामान्य खालका असर देखिएका छन् ।

५५ वर्षमाथिका सबैलाई आउँदो फागुन २३ गतेदेखि खोप लगाउने तयारी भइरहेको छ । यो भनेको फागुन २३ देखि नै समुदायस्तरमा लगाइँदैछ भन्ने बुझ्नु पर्छ । समुदायमा गएर उमेर समूहअनुसार खोप दिइनेछ । समुदायस्तरमा गएपछि पहिलो प्राथमिकतामा ५५ वर्षभन्दा माथि उमेर समूहका पर्नुहुन्छ । त्यसपछि अरुलाई लगाउने हो । खोप केन्द्रलाई समुदायस्तरमा लगिन्छ ।

राष्ट्रिय खोप सल्लाहकार समितिको सिफारिस र स्वास्थ्य तथा जनसङ्ख्या मन्त्रालयको निर्णयअनुसार पहिलो डोज लगाएकालाई ८ देखि १२ हप्तामा दोस्रो डोजको खोप दिने भनिएको छ । त्यहीअनुसारको व्यवस्थापन हुन्छ । खोप केन्द्रहरु समुदायस्तरमा सञ्चालन हुने भएकाले खोप केन्द्रहरु थपिन्छन् । कति बढाउने? कहाँ-कहाँ सञ्चालन गर्ने, कसरी सञ्चालन गर्ने भन्नेबारे छलफल हुँदैछ । जिल्ला समन्वय समिति, अनुगमन समिति र स्वास्थ्य कार्यालयहरुको समन्वयमा खोप केन्द्रहरु तोकिनेछन् । त्यहीअनुसारको खोप अभियान सञ्चालन हुन्छ ।

अब पनि कोभिसिल्ड खोप नै लगाउने हो । सिरम इन्स्टिच्युट अफ इन्डियामा कोभिसिल्ड नामक खोप उत्पादन भइरहेको छ । अहिले लगाइरहेको खोप पनि यही हो । र आउँदो २३ गतेदेखि पनि यही कम्पनीको यही खोप लगाइन्छ ।

पहिलो डोज लगाइसकेकाले दोस्रो डोज खोप कहिले लगाउने भनेर सूचना सार्वजनिक हुने भएकाले अलमलमा पर्नु पर्दैन । पहिलो डोज लगाएकालाई २८ दिनपछि लगाउने भन्ने विषय परिमार्जन भएको छ । ८ देखि १२ हप्तामा लगाउँदा राम्रो प्रभाव देखिने रिपोर्टहरु सार्वजनिक भएका छन् । त्यही भएर सरकारले पनि अलि ढिला गर्न लागेको हो ।

यही खोप लगाइसकेपछि गरिएको अध्ययनका क्रममा ८ देखि १२ हप्ताको बीचमा दोस्रो डोज दिँदा अझै प्रभावकारी भएका खबरहरु सार्वजनिक भएका छन् । नेपालमा पनि त्यस्तै अवधिमा दोस्रो डोज खोप लगाउने हो । खोप सुरक्षित छ । प्रभावकारी छ । १६ वटाभन्दा धेरै देशले लगाइसकेका छन् । विश्व स्वास्थ्य संगठनले आकस्मिक प्रयोगका लागि अनुमति दिएको छ ।

खोप सुरक्षित र प्रभावकारी छ भनेर सूचीकृत भइसकेको छ । सबै उमेर समूहकाले ढुक्क भएर खोप लगाउँदा हुन्छ । खोप लगाउने मिति तोकिसकेपछि सम्बन्धित खोप केन्द्रमा गएर ढुक्कले खोप लगाउँदा हुन्छ । राष्ट्रिय लक्ष्य पूरा नहुञ्जेलसम्म खोप खरिद प्रक्रिया अगाडि बढिरहन्छ ।

(स्वास्थ्य सेवा विभाग, परिवार कल्याण महाशाखाका खोप शाखा प्रमुख तथा राष्ट्रिय खोप सल्लाहकार समितिका सदस्य डा. गौतमसँगको कुराकानीमा आधारित)

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डा . झलक शर्मा गाैतम

गाैतम स्वास्थ्य सेवा विभागको खोप शाखा प्रमुख हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्