सामूहिक बलात्कारपछि हत्या गरिएकी विकको परिवारलाई प्रदेश सरकारले पाँच लाख क्षतिपूर्ति दिने

भदौ ११, २०७५ सोमबार १८:३१:२ | निर्मला खडायत

कैलाली – सामूहिक बलात्कारपछि हत्या गरिएकी कैलालीको गौरीगंगा नगरपालिका–११, कटानकी माया विकका परिवारलाई पनि प्रदेश सरकारले राहत स्वरुप पाँच लाख रुपैयाँ दिने निर्णय गरेको छ ।

सोमबार बसेको मन्त्री परिषद बैठकले मायाका परिवारलाई पाँच लाख रुपैयाँ दिने निर्णय गरेको सरकारका प्रवक्ता तथा आन्तरिक मामिला तथा कानुन मन्त्री प्रकाशबहादुर शाहले जानकारी दिनुभयो ।

नगरपालिकाको सामाजिक परिचालिकामा कार्यरत माया गएको असार १० गते बेपत्ता भएकी थिइन भने असार १५ गते नगरपालिका–११, को चपरथली सामुदायिक वनभित्र शव भेटिएको थियो ।

माया विकको सामूहिक बलात्कारपछि हत्या गरेको अभियोगमा अदालतले गौरीगङ्गा नगरपालिका–११, शिवपुरका ३० वर्षीय गणेश बडुवाल, त्यसै ठाउँका २७ वर्षीय मनोज बोगटी, ऐठाका २१ वर्षीय सुरज चौधरी, शिवपुरकै २० वर्षीय भुवन खाती र १९ वर्षका तपेन्द्र बोगटीलाई पूर्पक्षका लागि कैलाली कारागार चलान गरिसकेको छ ।

प्रदेश ७ को सरकारले बलात्कारपछि हत्या गरिएकी कञ्चनपुरको कृष्णपुर नगरपालिकाकी कविता विष्टका परिवारलाई पनि राहत दिने भएको छ । तर राहत रकम कति दिने भन्नेबारे भने खुलाइएको छैन । सरकारका प्रवक्ता तथा आन्तरिक मामिला तथा कानुन मन्त्री शाहले पीडित परिवारसँगको भेटघाटपछि रातहको घोषणा गरिने बताउनुभयो ।

निर्मला पन्तको परिवारलाई न्याय दिलाउनका लागि प्रदेश सरकार लागि परेको प्रदेश ७ का कानून मन्त्री प्रकाशबहादुर शाहले बताउनुभयो । निर्मला हत्का काण्डमा मात्रै नभएर प्रदेश सरकारले प्रदेशमा घटेका यस्ता घटनाका पीडितहरुलाई न्याय र राहत उपलब्ध गराउन प्रयासरत रहने उहाँले आश्वासन दिनुभयो ।

अन्तिम अपडेट: बैशाख ५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्