पाकिस्तानलाई हराउँदै दक्षिण अफ्रिका पहिलो पटक विश्व टेस्ट च्याम्पियनशिपको फाइनलमा

पुष १४, २०८१ आइतबार १७:२१:५७ | उज्यालो सहकर्मी

काठमाण्डाै – पाकिस्तानलाई हराउँदै दक्षिण अफ्रिका विश्व टेस्ट च्याम्पियनशिपको फाइनलमा पुगेको छ । पहिलो टेस्ट क्रिकेटमा पाकिस्तानलाई २ विकेटले हराउँदै घरेलु टोली दक्षिण अफ्रिका पहिलो पटक विश्व टेस्ट च्याम्पियनशिपको फाइनलमा पुगेको हो ।

पाकिस्तानले दिएको १ सय ४८ रनको लक्ष्य दक्षिण अफ्रिकाले पाँचौं दिनको खाना समयपछि ८ विकेट गुमाएर भेटायो । दक्षिण अफ्रिकाका कप्तान तेम्बा बभुमाले ४०, एडन मारक्रमले ३७, कागिसो रबाडाले नटआउट ३१ रन बनाए । नवौं विकेटका लागि रबाडा र मार्काे यान्सेनले ५१ रनको साझेदारी गरे । पाकिस्तानका मोहम्मद अब्बासले ६ विकेट लिए ।

यसअघि सेन्चुरियनमा टस हारेर ब्याटिङको निम्तो पाएको पाकिस्तानले पहिलो पारीमा २ सय ११ रन बनाएको थियो । यस्तै दक्षिण अफ्रिकाले पहिलो पारीमा ३ सय १ रन बनाएको थियो ।

दक्षिण अफ्रिका विश्व टेस्ट च्याम्पियनशिपको शीर्ष स्थानमा छ । अब विश्व टेस्ट च्याम्पियनशिपको फाइनल पुग्ने अर्काे टोली अस्ट्रेलिया र भारतमध्ये एक हुनेछन् । तेस्रो संस्करणको विश्व टेस्ट च्याम्पियनशिपको फाइनल आउँदो वर्ष बेलायतको लर्ड्समा हुनेछ ।

दक्षिण अफ्रिका र पाकिस्तानबीचको दुई खेलको टेस्ट शृङ्खलाको अन्तिम खेल आउँदो शुक्रवारदेखि केप टाउनमा शुरू हुनेछ ।

अन्तिम अपडेट: पुस १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाकिस्तानलाई हराउँदै दक्षिण अफ्रिका पहिलो पटक विश्व टेस्ट च्याम्पियनशिपको फाइनलमा

तस्वीर : क्रिकइन्फाे

तपाईको प्रतिक्रिया