नेपाल सुपर लिगमा धनगढी एफसी र ललितपुर सिटीको खेल बराबरी

 चैत २४, २०८१ आइतबार ६:६:५४ | उज्यालो सहकर्मी
unn.prixa.net

काठमाण्डौ – नेपाल सुपर लिग (एनएसएल) फुटबलमा हिजो भएको दोश्रो खेलमा धनगढी एफसी र ललितपुर सिटीले बराबरी खेलेका छन् । दशरथ रङ्कशालामा भएको खेलमा कुनै पनि टोलीले गोल गर्न नसकेपछि खेल बराबरीमा सकिएको हो । दुवै टोलीले एक–एक अङ्क बाँडेका छन् । धनगढी दुई खेलमा चार अङ्कसहित तालिकाको तेश्रो स्थानमा छ । समान खेलमा पाँच अङ्कसहित ललितपुर दोश्रो स्थानमा छ ।

यस्तै पहिलो खेलमा पोखरा थन्डर्सले काठमाण्डौ रेजर्सलाई २–० गोलले हराएको छ । दशरथ रङ्गशालामा काठमाण्डौलाई हराउँदै पोखराले पहिलो जीत निकालेको हो । पोखराका लागि स्टेफेन समिर बिनोङ र एलिजोन एलिजोनोभले एक–एक गोल गरे । जीतसँगै पोखरा तीन खेलमा तीन अङ्कसहित तालिकाको चौथो स्थानमा उक्लिएको छ । समान खेलमा २ अङ्कसहित काठमाण्डौ छैटौं स्थानमा छ ।

सात टोली सहभागी प्रतियोगितामा चितवन एफसी दुई खेलमा छ अङ्कका साथ तालिकाको शीर्ष स्थानमा छ । दुई खेलमा दुई अङ्कसहित झापा एफसी पाचौं स्थानमा छ भने तीन खेलमा एक अङ्कसहित बुटवल लुम्बिनी एफसी तालिकाको पुछारमा छ । 

अन्तिम अपडेट: चैत २४, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया