अमेरिकी राष्ट्रपति ट्रम्प र इजरायलका प्रधानमन्त्रीबीच भेटवार्ता हुने

चैत २४, २०८१ आइतबार ६:१२:३४ | एजेन्सी

अमेरिकी राष्ट्रपति डोनाल्ड ट्रम्प र इजरायली प्रधानमन्त्री बेन्जामिन नेतन्याहूबीच भोलि भेटवार्ता हुने भएको छ । उहाँहरुबीच ह्वाइट हाउसमा भेटवार्ता हुन लागेको इजरायलको सरकारी स्वामित्वको कान टिभी न्यूजले जनाएको छ ।

भेटमा अमेरिकाले सबै व्यापारिक साझेदारहरूमाथि लगाएको ‘पारस्परिक कर’ नीतिको एक भागको रूपमा इजरायली सामानमा लगाएको १७ प्रतिशत अतिरिक्त करको बारेमा छलफल हुने अपेक्षा गरिएको छ । नेतन्याहू हङ्गेरीको भ्रमणपछि आज बुडापेस्टबाट सीधै अमेरिका प्रस्थान गर्दै हुनुहुन्छ ।

ट्रम्पको घोषणाको अघिल्लो दिन इजरायलले अमेरिकाबाट आयात हुने सबै करहरू हटाएको थियो, तर यो कदमले ट्रम्पलाई इजरायलमाथि कर लगाउनबाट रोक्न सकेन । करको मुद्दाका अतिरिक्त दुई नेताले इरानसँगको आणविक सङ्कट र गाजामा जारी द्वन्द्वबारे पनि छलफल गर्ने अन्तराष्ट्रिय सञ्चारमाध्यमले जनाएका छन् ।

अन्तिम अपडेट: चैत २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकी राष्ट्रपति ट्रम्प र इजरायलका प्रधानमन्त्रीबीच भेटवार्ता हुने

तस्बिर : एजेन्सी

तपाईको प्रतिक्रिया