ट्रम्प कर वृद्धिबाट पछि हटेपछि ईयूद्वारा अमेरिकाविरुद्धको प्रतिशोधात्मक भन्सार शुल्क स्थगित

चैत २८, २०८१ बिहीबार १८:२८:२४ | एजेन्सी

अमेरिकी राष्ट्रपति डोनाल्ड ट्रम्पले ९० दिनका लागि भन्सार वृद्धि रोकेपछि युरोपेली युनियन (ईयू) ले अमेरिकाविरुद्धको प्रतिशोधात्मक भन्सार शुल्क स्थगित गरेको छ ।

चीनबाहेक सबै देशहरूका लागि ट्रम्पको विश्वव्यापी १० प्रतिशत आधारभूत शुल्क कायमै छ । अमेरिकामा प्रवेश गर्ने सबै आल्मुनियम, स्टील र कारहरूका लागि २५ प्रतिशत दर पनि कायमै छ ।

ट्रम्पले चिनियाँ सामानमा १२५ प्रतिशत कर लगाएपछि बेइजिङ र वाशिङ्गटनबीचको व्यापार युद्ध झनै गहिरिँदै गएको बीबीसीले जनाएको छ । चीनले पनि अमेरिकी सामानमा ८४ प्रतिशत कर लगाएर बदला लिएको छ ।

यसैबीच चीनले अमेरिकी राष्ट्रपति ट्रम्पको करनीतिविरुद्धको लडाइँमा गरेको साझेदारीको प्रस्तावलाई अस्ट्रेलियाले अस्वीकार गरेको छ । अमेरिकाले अस्ट्रेलियाली सामानहरूमा पनि १० प्रतिशत कर लगाएको छ ।

अस्ट्रेलियाका लागि चीनका राजदूत सियाओ कियानले अस्ट्रेलियासँग सहकार्यका लागि अपील गर्दै संयुक्त विरोध नै अमेरिकाको आधिपत्यवादी र डरलाग्दो व्यवहार रोक्ने एकमात्र तरिका रहेको बताउनुभएको खबरमा उल्लेख छ ।

यद्यपि अस्ट्रेलियाका प्रधानमन्त्री एन्थोनी अल्बानीजले अस्ट्रेलियालीहरूले आफ्नो पक्षमा बोल्ने बताउनुभएको छ ।

अन्तिम अपडेट: बैशाख २, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ट्रम्प कर वृद्धिबाट पछि हटेपछि ईयूद्वारा अमेरिकाविरुद्धको प्रतिशोधात्मक भन्सार शुल्क स्थगित

तस्वीर : एजेन्सी

तपाईको प्रतिक्रिया