काठमाण्डाै - चौधरी ग्रुप अन्तर्गत सिजी लाइफसेलले बिप एप सार्वजनिक गरेको छ ।

यो एपमार्फत  एकैपटकमा १० जनासम्मले भिडियो कल गर्न सक्नेछन् ।

विश्वभर साढे तीन करोड प्रयोगकर्ता रहेको यो एपबाट भ्वाइसकल, म्यासेज, डकुमेन्ट आदानप्रदान सँगै विनियम दर, मौसमसम्बन्धी जानकारी, समाचारलगायतका बारेमा जानकारी लिन सक्ने कम्पनीका प्रवन्ध निर्देशक निर्वाण चौधरीले बुधबार पत्रकार सम्मेलन मार्फत जानकारी गराउनुभयो ।

टर्की, जर्मनीलगायत विभिन्न देशमा प्रयोग गरिँदै आइएको यो एप प्रयोगकर्ताले आफ्नो भाषा अनुसारको सेटिङ मिलाएर चलाउन सक्ने कम्पनीले जनाएको छ ।

त्यस्तै, एपमा विभिन्न गेम नि:शुल्क डाउनलोड, लोकेसन शेयर, फलो मी र डिस्कभरी च्यानललगायत विशेषता रहेको पनि कम्पनीले जनाएको छ । बिप एपलाई ल्यापटप र डेस्कटपमा पनि प्रयोग गर्न सकिन्छ । 

कम्पनीका अनुसार एपमा रहेको सरप्राइज पोइन्टमार्फत सेवाग्राहीले विभिन्न आकर्षक उपहार जित्न सक्नेछन् ।