काठमाण्डाै - इन्टरनेट  सेवा  प्रदायक  कम्पनी क्लासिक  टेक  प्रालिले चौधौँ वार्षिकोत्सव मनाएको छ । सन्  २००९ देखि सेवा  शुरु  गरेको  यस  कम्पनीले स्थापनाकाे १४ वर्ष पूरा गरेकाे हाे । कम्पनीले अहिले  देशभरिका  ७४  जिल्लामा १००  वटाभन्दा बढी आउटलेटबाट सेवा प्रदान गर्दै आइरहेको छ ।

१४औँ वार्षिकोत्सवको  अवसरमा  ५०, ७५, १००, २०० र ३०० एमबीपीएस इन्टरनेट अत्यधिक  छुटमा  वितरण गरिने कम्पनीले जनाएकाे छ । 

कम्पनीले ग्राहककाे सुविधाका लागि आफ्नै सीडीएन सर्भर  जडान गरी फेसबुक, युट्युब , नेटफ्लिक्स, गुगल , अकमाई जस्ता  सामाजिक  सञ्जालहरुमार्फत्  गुणस्तरीय तथा  भरपर्दो सेवा  प्रदान  गरिरहेकाे छ ।  क्लासिक  टेकले विराटनगर  र  काठमाण्डौमा डाटा ब्याकअप सेन्टर समेत स्थापना गरेको  छ  । 

सेवा  विस्तारको  माध्यमबाट दुर्गम  ग्रामीण  इलाकामा  पनि  सुपथ  मूल्यमा गुणस्तरीय  सेवा  प्रदान  गर्ने  लक्ष्य  रहेको कम्पनीले जनाएकाे छ । डूअल ब्याण्ड राउटर र आईपीटीभी जस्ता  प्रविधिको  प्रयोगबाट  सेवामा  थप  गुणस्तरीयता  थपिएको  कम्पनीकाे दाबी छ ।