न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
डाेटी – सेती नदीमा बगेर एकजना प्राविधिक बेपत्ता भएका छन् ।
डोटीको बोगटा फुड्सिल गाउँपालिकामा निर्माण भइरहेको सेती हाइड्रो पावरमा कार्यरत रुकुमका ओभरसियर दिपेन्द्र ओली सेती नदीमा बगेर बेपत्ता भएको जिल्ला प्रहरी कार्यालय डोटीका प्रमुख प्रहरी उपरीक्षक विद्यानन्द माझीले जानकारी दिनुभयो ।
अछाम र डोटीको सीमाक्षेत्र समेत रहेको त्यस स्थानमा काठको डुङ्गा बाट नदी तर्ने क्रममा ओली नदीमा खसेर बेपत्ता भएको सेती हाइड्रो पावर निर्माणको ठेक्का पाएको रिडाक नेपाल कन्सल्टेन्सीमा कार्यरत मिनजंग शाहीले बताउनुभयो ।
उहाँले भन्नुभयो, ‘बिहान देखि खोजी गरीरहेका छौँ, भेटाउन सकेका छैनौँ ।’ नदीमा बेपत्ता भएका ओलीको खोजी कार्य तिब्र रुपमा भइरहेको र ठाउँ-ठाउँमा प्रहरी टोली खटाइएको डोटीका प्रहरी प्रमुख विद्यानन्द माझीले बताउनुभयो ।