सीमा क्षेत्रमा तनाव कम गर्न भारत–चीनबीच सहमति
चैत १५, २०८० बिहिबार
चितवन- पूर्व प्रधानमन्त्री तथा नेकपाका अध्यक्ष पुष्पकमल दाहालले सामाजिक न्याय सहितको आर्थिक समृद्धि आवश्यक भएको बताउनुभएको छ ।
चितनवको भरतपुरमा सहकारी पेट्रोल पम्पको उद्घाटन गर्दै उहाँले सामाजिक न्यायसहितको आर्थिक समृृद्धि र समाजवाद उन्मुख राज्यका निम्ति सहकारीको भूमिका महत्वपूर्ण रहेको बताउनुभयो ।
सहकारीको लगानीबाट देशका विभिन्न स्थानमा तीन सयभन्दा धेरै उद्योग सञ्चालनको तयारीमा रहेको बताउँदै उहाँले तीन खम्बे अर्थ नीतिबाट नै देश समृद्धितर्फ जाने बताउनुभयो । निजी क्षेत्रलाई अलग राखेर, सहकारीलाई अलग राखेर विकास सम्भव नभएको बताउँदै अध्यक्ष दाहालले सार्वजनिक, निजी र सहकारीको सहकार्यमा देशको अर्थतन्त्रलाई अगाडि बढाउन सकिने धारणा राख्नुभयो ।
जिल्लाका दुई सय ९४ सहकारीको २५ हजारदेखि ५ लाख रुपैयाँसम्मको लगानीमा पम्प सुरु गरिएको सहकारी संघका अध्यक्ष टिकाराम भट्टराईले बताउनुभयो । अन्य पम्पभन्दा प्रतिलिटर २५ पैसा सस्तोमा तेल बिक्री गरिने उहाँले बताउनुभयो ।
पम्प निर्माणका लागि चार करोड ६६ लाख ३७ हजार रुपैयाँ खर्च भएको बताउँदै अध्यक्ष भट्टराईले पम्पमा पेट्रोल र डिजेल गरी एक लाख चार हजार लिटर क्षमता रहेको बताउनुभयो । चौबिसै घण्टा सञ्चालन गरिने साझा पेट्रोल पम्पमा एकै पटकमा आठ वटा गाडीमा तेल हाल्न सकिन्छ ।
राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।