मालिंगाले बनाए टी–२० मा रेकर्ड, अफ्रिदीलाई उछिने

भदौ १६, २०७६ सोमबार १२:२३:२८ | उज्यालो सहकर्मी

श्रीलंकाका कप्तान लासिथ मालिंगा टी–२० अन्तर्राष्ट्रियमा सबैभन्दा धेरै विकेट लिने बलर बनेका छन् ।

मालिंगाले ७४ औँ टी–२० खेलमा ९९ विकेट लिँदा पाकिस्तानका पूर्व कप्तान तथा अलराउण्डर शाहिद अफरीदीको रेकर्ड तोडेका हुन् । अफरीदीले ९९ खेलमा ९८ विकेट लिएका छन् ।

मालिंगाले न्यूजिल्याण्डविरुद्धको टी–२० सिरिजको पहिलो खेलमा आइतबार कोलिन डी ग्राण्डहोमको विकेट लिँदै रेकर्ड बनाएका हुन् ।

यसैबीच आइतबार भएको खेलमा न्यूजिल्याण्डले श्रीलंकालाई ५ विकेटले हरायो । श्रीलंकाले दिएकाे १७५ रनको लक्ष्य न्यूजिल्याण्डले १९ दशमलव ३ ओभरमा पूरा गर्‍यो ।

३६ वर्षका मालिंगाले सन् २००६ मा इंग्ल्याण्डविरुद्ध पहिलो टी–२० खेलेका थिए । यद्यपि मालिंगाले सन् २०११ मा टेस्टबाट र यही वर्षको गएको जुलाईमा एकदिवसीयबाट सन्यास लिएका छन् ।

मालिंगाले ३० टेस्टमा १०१ र २२६ एकदिवसीयमा ३३८ विकेट लिएका छन् । उनले टी–२० मा एकपटक ४ र एक पटक ५ विकेट लिएका छन् ।

यी हुन् टी–२० मा धेरै विकेट लिने बलरहरु–

१. लसिथ मालिंगा : ७४ खेलमा ९९ विकेट
२. शाहिद अफ्रिदी : ९९ खेलमा ९८ विकेट
३. शाकिब अल हसन : ७२ खेलमा ८८ विकेट
४. उमर गुल ६० खेलमा : ८५ विकेट
५. सईद अजमल : ६४ खेलमा ८५ विकेट

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्