जलस्रोतमा विश्वकै धनी देश ब्राजिलले प्राकृतिक सतहको पानी गुमाउँदै

चैत ९, २०८१ शनिबार १०:२०:३६ | एजेन्सी

जलस्रोतमा विश्वकै धनी देश ब्राजिलले प्राकृतिक सतहको पानी गुमाउँदै गएको एक प्रतिवेदनले देखाएको छ ।

ब्राजिल पृथ्वीको १२ प्रतिशत ताजा पानीको भण्डार भएको क्षेत्र हो । धेरै भाग अमेजनमा छ । तर जलवायु परिवर्तन र वनबाट कृषिमा भूमि रूपान्तरणको प्रभावले प्राकृतिक सतहको पानी गुमाउँदै गरेको प्रतिवेदनमा उल्लेख छ ।

म्याप बायोमास अनुगमन प्लेटफर्मको पछिल्लो तथ्याङ्कअनुसार सन् २०२३ देखि गएको वर्षसम्म ब्राजिलले चार लाख हेक्टर जलीय सतह गुमाएको छ । यो लगभग अमेरिकी राज्य रोड आइल्यान्डको आकार बराबरको क्षेत्र हो ।

सुक्खा, शहरी विकास र जमिनमुनिको पानीको सतहबाट अति पम्पिङका कारण ब्राजिलले झण्डै २४ लाख हेक्टर नदी र तालको सतह गुमाएको छ ।

विश्व जल दिवसअघि सार्वजनिक प्रतिवेदनले भूमि अधिग्रहण र विश्व तापमानले गर्दा भएका चरम जलवायु घटनाले ब्राजिललाई अझ सुक्खा बनाउँदै लैजाने जोखिम आङ्कलन गरेको छ ।

ब्राजिलले आउँदो नोभेम्बरमा अमेजन राज्य पाराको राजधानी बेलेममा कोप–३० जलवायु सम्मेलनको आयोजना गर्नेछ ।

अन्तिम अपडेट: चैत १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जलस्रोतमा विश्वकै धनी देश ब्राजिलले प्राकृतिक सतहको पानी गुमाउँदै

तस्बिर : एजेन्सी

तपाईको प्रतिक्रिया