इंग्लिस प्रिमियर लिगमा लिभरपुलसँग चेल्सी पराजित

असोज ६, २०७६ सोमबार ६:३२:३३ | उज्यालो सहकर्मी

इंग्लिस प्रिमियर लिगमा लिभरपुलले चेल्सीलाई २–१ गोलले हराएको छ । योसँगै लिभरपुलले प्रिमियर लिगमा आफ्नो अपराजित यात्रालाई कायमै राख्न सफल भएको छ । यता चेल्सीका लागि भने यो सिजनको दोस्रो हार हो ।

चेल्सीको घरेलु मैदानमा भएको खेलमा लिभरपुलले पहिलो हाफमा नै २ गोल गर्न सफल भयो । १४ औं मिनेटमा मोहम्मद सलाहको पासमा एलेजान्देर आर्नाल्डले गोल गर्दै टिमलाई अग्रता दिलाए ।

त्यसपछि ३० औं मिनेटमा रोबर्टसनको पासमा रोबेर्टो फिरमिन्होले लिभरपुलको अग्रता २–० मा पुर्‍याए । पहिलो हाफमा २ गोलको अग्रता बनाएको लिभरपुलले दोस्रो हाफको सुरुवातमा नै २ वटा सुन्दर मौका पाएको थियो । जसमा चेल्सीको गोलकिपरले उत्कृष्ट बचाउ गरे । एकपटक लिभरपुलका फिरमिन्होको प्रहारलाई बचाए भने अर्को पटक आत्मघाती हुने मौका टारे ।

यता युवा खेलाडीले भरिएको चेल्सीले पहिलोहाफमा डरलाग्दो मुभ बनाउन सकेन । तर ५८ औं मिनेटमा उसले २ पटक गोलको मौका पाएको थियो । एकपटक अब्राहम चुके भने अर्कोपटक कान्टेको प्रहार पोष्ट नजिकैबाट बाहिरियो ।

२ गोलले पछि परेको चेल्सीले ७१ औं मिनेटमा एक गोल फर्काउन सफल भयो । उसका लागि कान्टेले गोल गर्दै अन्तर २–१ मा पुर्‍याए । त्यसपछि पनि चेल्सीले अरु २ वटा मौका पाएको थियो । तर एउटा प्रहार पोष्ट नजिकैबाट बाहिरियो भने एउटा गोलकिपरले बचाए ।

यो जितले लिभरपुलले ६ खेलमा १८ अंक बनाएको छ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्