अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
धनुषा – राम जानकी विवाह पञ्चमी महोत्सवको चौथो दिन शुक्रबार साँझ तिलकोत्सव सम्पन्न भएको छ । मिथिला विवाह विधिअनुसार दुलही पक्षले दुलहा पक्षकोमा गएर दुलहालाई तिलक लगाउने अर्थात् टीकाटालो गर्ने परम्परा नै तिलकोत्सव हो ।
साँझ ६ बजेतिर रामजानकी मन्दिरबाट बाजागाजासँगै दुलही पक्ष फलफूल र मिठाइसहितका पाहुर लिएर राम मन्दिरमा गएका थिए । भारत अयोध्याबाट आएका जन्ती र भगवान रामको पक्षबाट राम मन्दिरका सन्त, महन्तको उपस्थितमा मैथिली भाषाको वैवाहिक लोकगीत र सांस्कृतिक कार्यक्रम गर्दै वैवाहिक विधिअनुसार माइती पक्षले रामजानकी मन्दिरमा तिलक चढाएको हो ।
कार्यक्रममा रामको पिताको भूमिकामा राम मन्दिरका महन्त बाबा रामगिरी र माता सीताको पिताको भूमिकामा जानकी मन्दिरका महन्त रामतपेश्वर देखिएका थिए ।
त्यस्तै प्रदेश २ सरकारका भौतिक पूर्वाधार विकास मन्त्री जितेन्द्र सोनल, नेपाल सरकारका निवर्तमान मन्त्री रघुवीर महासेठ, प्रतिनिधि सभा सदस्य जुली महासेठ र जनकपुरधाम उपमहानगरपालिकाका मेयर लालकिशोर साह लगायतले तिलकोत्सवमा सहभागिता जनाएका थिए ।
विवाह पञ्चमी महोत्सवको साप्ताहिक कार्यक्रमअन्तर्गत पाँचौ दिन शनिबार मटकोर र छैटौँ दिन विवाह महोत्सव मनाइने छ भने सातौँ अन्तिम दिन रामकलेवासहित जन्तीलाई बिदाइ गरी महोत्सव सम्पन्न हुनेछ ।