काठमाण्डाै – चिनियाँ विदेश मन्त्रालयले चीनले काेराेना भाइरसकाे बारेमा गलत जानकारी फैलाइरहेकाे भन्ने आराेपकाे खण्डन गरेकाे छ । 

गएकाे हप्ता युराेपेली सङ्घकाे एउटा प्रतिवेदनमा चीनले 'महत्वपूर्ण तथ्य' लुकाएर अपरेशन चलाइरहेकाे दाबी गरिएकाे थियाे । बेलायत र अमेरिकामा राष्ट्रिय सुरक्षासँग जाेडिएका अधिकारीहरुले चीनले काेभिड–१९ बाट ज्यान गुमाउनेकाे सङ्ख्या लगातार घटाएर भन्ने गरेकाे बताएका थिए । 

चिनियाँ विदेश मन्त्रालयका प्रवक्ता गेङ्ग शुआङ्गले साेमबार पत्रकार सम्मेलनमा भने, 'चीन कुनै पनि व्यक्ति र संस्थानकाे माध्यमबाट गलत जानकारी दिने या फैलाउने क्रियाकलापकाे विरुद्ध छ । चीन गलत जानकारीकाे स्राेत नभइ आफै त्यसकाे सिकार बनेकाे छ ।'

यसअघि चीनले काेराेना भाइरसकाे सङ्क्रमणकाे उद्गमस्थल वुहानमा ज्यान गुमाउनेकाे सङ्ख्या सच्याएकाे थियाे । चीनमा अहिलेसम्म ८२ हजार आठ सय ३० जनामा सङ्क्रमण पुष्टि भएकाेमा चार हजार ६ सय ३३ जनाकाे ज्यान गएकाे छ ।