चितवन – चितवनमा एक सय किलो (एक क्विन्टल) गाँजासहित दुई जना पक्राउ परेका छन् । पक्राउ पर्नेमा राप्ती नगरपालिका ११ आँपपानीका २५ वर्षीय दोर्जे तामाङ र २४ वर्षीय पदमबहादुर मोक्तान रहेका छन् ।

जिल्ला प्रहरी कार्यालय चितवनले गाँजासहित ओसारपसारमा संलग्नलाई सार्वजनिक गरेको हो ।

गएकाे भदौ २१ गते प्रहरीले राप्ती नगरपालिका दवाडी चोकबाट पाँच वटा बोरामा पोको बनाइ राखेको गाँजा बेवारिसे अवस्थामा फेला पारेको थियो । अनुसन्धान गर्दै जाँदा ओसारपसारमा संलग्न व्यक्तिलाई असोज १ गते राप्ती ५ भण्डारा चोकबाट प्रक्राउ गरिएको जिल्ला प्रहरी कार्यालय चितवनका प्रवक्ता सूर्य थापाले जानकारी दिनुभयो ।

लागुऔषध ओसारपसारमा संलग्न मुख्य व्यक्ति फरार रहेको र खोजी भइरहेको उहाँले बताउनुभयो । पक्राउ परेका दुई जनालाई चितवन जिल्ला अदालतबाट म्याद गरी थप अनुसन्धान गरिरहेको प्रहरीले जनाएको छ ।