हराएका सामग्री खोज्न प्रहरीको छुट्टै शाखा

भदौ २, २०७६ सोमबार ९:४:४५ | उज्यालो सहकर्मी

गोरखा – जिल्ला प्रहरी कार्यालय गोारखाले हराएका सामग्री खोजी गर्ने गरी छुट्टै इकाइ स्थापना गरेको छ । मोबाइललगायत हराएका सामग्री खोजी गरिदिनका लागि उजुरी आउने क्रम बढेपछि छुट्टै शाखामार्फत त्यसको ब्यवस्थापन गर्न थालिएको प्रहरी प्रमुख एसपी ओमप्रसाद अधिकारीले बताउनुभयो ।

यही शाखाको सक्रियतामा हराइरहेका ४ थान मोबाइल र एक थान मोटरसाइकल फेला पारिएको उहाँको भनाइ छ । जिल्ला प्रहरी कार्यालयमा आइतबार पत्रकार सम्मेलन गरेर ती सामग्री सम्बन्धित धनीलाई हस्तान्तरण गरिएको हो ।

पत्रकार सम्मेलनमा बोल्दै अधिकारीले हराएका सामग्री खोजिदिन भन्दै प्रहरी कार्यालयमा निवेदनको चाङ लागेको बताउनुभयो । ‘सबै काम मुद्धा शाखाले गर्दै आएको थियो, पुराना रेकर्ड हेर्दै जाँदा २/३ वर्ष पहिलेदेखिका निवेदनको चाङ लागेको पाइयो’ अधिकारीले भन्नुभयो, ‘पीडितले प्रहरीलाई विश्वास गरेर निवेदन दिइसकेपछि त्यसको उचित सम्बोधन गर्नुपर्छ भनेर लागेर छुट्टै शाखा मार्फत खाजी सुरु गरिएको हो ।’ प्रहरीमा बढीजसो हराएका मोबाइल खोजिदिन निवेदन पर्ने गरेका छन् ।

अन्तिम अपडेट: चैत ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्