साफ यू–१८ फुटबलको सेमिफाइनल खेल आज

असोज १०, २०७६ शुक्रबार ७:२९:१९ | उज्यालो सहकर्मी

काठमाण्डाेमा भइरहेको साफ यू–१८ फुटबल च्याम्पियनसिप अन्तर्गत शुक्रबार सेमिफाइनल खेलहरु हुँदैछन् ।

हलचोकस्थित एपीएफ मैदानमा बिहान ११ बजेदेखि सुरु हुने पहिलो सेमिफाइनलमा समूह ए को विजेता भुटान र समूह बी को उपविजेता बंगलादेशबीच प्रतिस्पर्धा हुँदैछ ।

दक्षिण एसियामा उदाउँदो टोलीको रुपमा रहेको भुटानले उमेर समूहको प्रतियोगितामा पहिलोपल्ट फाइनलमा पुग्नका लागि गएको संस्करणको उपविजेता बंगलादेशलाई पराजित गर्नुपर्नेछ ।

समूह चरणमा भुटानले नेपाललाई ३–० गोलअन्तरले स्तब्ध तुल्याउँदै समूह विजेता बनेको थियो । उसले माल्दिभ्ससँग गोलरहित बराबरी खेलेको थियो ।

बंगलादेशले भने भारतसँग बराबरी खेलेको थियो भने श्रीलंकालाई पाराजित गरेको थियो ।

यही मैदानमा दिउँसो ३ बजेदेखि सुरु हुने दोस्रो सेमिफाइनलमा उपाधि दावेदार भारत र माल्दिभ्स आमने सामने हुँदैछन् । भारत समूहको बी को विजेता र माल्दिभ्स समूह ए को उपविजेताको हैसियलमा सेमिफाइनलमा आमने सामने हुन लागेका हुन् ।

भारतले समूहको पहिलो खेलमा बंगलादेशसँग गोलरहित बराबरी खेलेको थियो भने दोस्रो खेलमा श्रीलंकालाई ३–० ले पराजित गरेको थियो । माल्दिभ्सले नेपाल र भुटान दुवैसँग गोलरहित बराबरी खेलेको थियो ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्