बराबरीमा रोकियो बोरुसिया डर्टमन्ड

असोज १२, २०७६ आइतबार ७:३८:५९ | उज्यालो सहकर्मी

जर्मन बुन्डेस लिगमा उपाधिको दावेदार मानिएको बोरुसिया डर्टमन्ड वेरदेर बेरमनसँग बराबरीमा रोकिएको छ । यो सिजन राम्रो सुरुवात गर्न नसकेको बोरुसियाले एक गोलको अग्रतालाई जोगाउन सकेन ।

डर्टमन्डको घरेलु मैदानमा ८१ हजार दर्शकमाझ भएको खेलको सातौं मिनेटमा नै रासिकाको गोलमा पाहुना टिम वेरदेरले अग्रता बनाएको थियो । तर त्यसको दुई मिनेटमा मारियो गोट्जेले गोल गर्दै बोरुसियालाई बराबरीमा पुर्‍याए ।

४१ औं मिनेटमा मार्कुस रिउसले गोल गर्दै बोरुसियाले घरेलु मैदानमा अग्रता बनायो । उनले हाजार्डको पासको सदुपयोग गरेका थिए । पहिलो हाफमा एक गोलको अग्रता बनाएको बोरुसिया विरुद्ध ५५ औं मिनेटमा फ्रेडीले गोल गर्दै खेल दुई दुईको बराबरीमा पुर्‍याए ।

यो बराबरीले बोरुसियाले ६ खेलमा ११ अंक बनाएको छ । उसले अहिलेसम्म तीन जित दुई बराबरी र एक हार ब्यहोरेको छ ।

यता सिजनमा अपराजित रहेको बायर्न म्युनिखले पनि शनिबार राति नै आफ्नो खेलमा पदेरबर्नलाई ३–२ गोलले हरायो । जसका कारण उसले आफ्नो शीर्ष स्थान बलियो बनाएको छ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्