च्याम्पियन्स लिग : पीएसजीले जित निकाल्दा बराबरीमै रोकियो रियल मड्रिड

असोज १५, २०७६ बुधबार ७:१०:१ | उज्यालो सहकर्मी

च्याम्पियन्स लिग अन्तर्गत मंगलबार राति भएको खेलमा रियल मड्रिडले बराबरीमा चित्त बुझाउँदा पीएसजी विजयी भयो ।

रियलले क्लब ब्रुगविरुद्ध २ गोलले पछि परेको अवस्थामा खेलमा बराबरी गरेको हो । खेलको ९ मिनेटमा नै डेनिसको गोलमा ब्रुगले अग्रता बनायो । ३९ औं मिनेटमा फेरि उनले नै गोल गर्दै रियलविरुद्ध २–० ले अगाडि राखे ।

पहिलो हाफमा २ गोलले पछि परेको रियल दोस्रो हाफमा खेलमा फर्कन सफल भयो । ५५ औं मिनेटमा डिफेन्डर सर्जियो रामोसले गोल गर्दै अन्तर कम गरे ।

८४ औं मिनेटमा भोरभेरको दोहोरो पहेलो कार्ड पाउँदै मैदानबाट बाहिरिएपछि बेल्जियन क्लब १० खेलाडीमा झर्न पुग्यो । त्यसको फाइदा उठाउँदै रियलले ८५ औं मिनेटमा खेल बराबरी गर्न सफल भयो । उसका लागि कासेमेरोले गोल गरे । जसका कारण रियलले गुमाइसकेको अंक बचाउन सफल भयो ।

यस्तै, अर्को खेलमा पीएसजीले गालातासेरेमाथि १–० को झिनो जित निकाल्यो ।

पहिलो हाफ गोलरहित बराबरी भएको खेलेको ५२ औं मिनेटमा इकार्डीले गोल गर्दै पीएसजीलाई अग्रता दिलाए । जुन गोल उसलाई तीन अंक दिलाउन पर्याप्त बन्यो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्