फिफा वर्ष खेलाडी को ? मेस्सी, रोनाल्डो वा डाइक ?

असोज ६, २०७६ सोमबार १२:६:१६ | उज्यालो सहकर्मी

विश्व फुटबलको सर्वोच्च निकाय फिफाले साेमबार राति फिफा वर्ष खेलाडी अवार्डको घोषणा गर्दैछ ।

इटालीको मिलानमा फिफाले सार्वजनिक गरेको अन्तिम मनोनयनमा तीन खेलाडी छन् । जसमा बार्सिलोनाका लियोनल मेस्सी र लिभरपुलका भिर्जिल भान डाइक र युभेन्ट्सका क्रिस्टियानो रोनाल्डो रहेका छन् ।

लिभरपुललाइ च्याम्पिन्स लिगकाे उपाधि दिलाउदा उत्कृष्ट भूमिका निभाएका डाइक पहिलाे पटक याे अवार्डकाे शीर्ष तीनमा परेका हुन् । उनले यसअघि यूईएफए वर्ष खेलाडीकाे अवार्ड पनि जितेका छन् । साे बेला उनले मेस्सी र रोनाल्डोलाई नै पछि पारेका थिए ।

याे अवार्डकाे लागि मनाेनयमा रहेका अर्का खेलाडी हुन् क्रिस्टियानाे राेनाल्डाे । रोनाल्डोले यस वर्ष पोर्चुगललाई युईएफए नेसन्स लिगको उपाधि र युभेन्ट्सबाट इटालियन सिरी 'ए' उपाधि जितेका थिए । यूईएफए वर्ष खेलाडीमा तेस्राे स्थानमा रहेका उनले याे अवार्ड हात पार्ने संभावना पनि प्रबल रहेकाे छ ।

अर्का स्टार जाे मनाेनयनमा परेका छन्, ती हुन मेस्सी । उनले बार्सिलोनाबाट अघिल्लाे सिजन ला लिगाको उपाधि जितेका थिए । यस्तै, च्याम्पियन्स लिगमा सर्वाधिक गोलकर्ता पनि बनेका थिए भने साे प्रतियाेगितामा युरोपियन गोल्डेन बुटसमेत जितेका थिए ।

महिलातर्फ यूईएफए वर्ष खेलाडी अवार्ड जितेकी लुसी ब्रोन्ज, एलेक्स मोर्गन र मेगान रापोनी परेका छन् भने वर्ष पुरुष प्रशिक्षकमा पेप ग्वार्डीवाला, योर्गेन क्लोप र माउरिसियो पोचेटेनो रहेका छन् ।

महिला प्रशिक्षकमा ग्रे नेभिल्स, जिल एलिस र सरिना विगम्यान रहेका छन् । वर्ष गोलकिपर अवार्डका लागि एलिसन बेकर, एण्डरसन मोरिस र मार्क टेर स्टेगेन परेका छन् । वर्ष उत्कृष्ट गोल पुस्कास अवार्डका लागि लियोनल मेस्सी, जुवानफर क्वान्टेरो र डानियल जेसोरीको गोल शीर्ष तीनमा परेको छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्