डब्बामा प्याक गरिएका जुसलगायतका पेय पदार्थले अकालमा ज्यान जाने खतरा बढाउँछ: अध्ययन

 कात्तिक १४, २०७६ बिहिबार ७:२०:५० | उज्यालो सहकर्मी
unn.prixa.net

प्रतिकात्मक तस्बिर

शत प्रतिशत फलफुलको जुस भनिएका बोतलका पेय पदार्थले समेत अकालमा ज्यान जाने खतरा बढाउने एक अध्ययनले देखाएको छ ।

१३ हजारभन्दा धेरै मानिसमा हालै गरिएको अध्ययनले फलफुलकै भनिए पनि प्याक गरिएका जुस पिउँदा अकालमै ज्यान जाने जोखिम ९ देखि ४२ प्रतिशतले बढाइदिने देखाएको सीएनएनले जनाएको छ ।

नयाँ अध्ययनले पूर्ण रुपमा फलफुलको जुस भएको र कुनै कृत्रिम चिनीयुक्त पदार्थ नमिसाइएको ‘नो एडेड सुगर’ भनेका पेय पदार्थसमेत फलदायक नहुने पत्ता लगाएको हो ।

यसअघिका अनुसन्धानले पनि सफ्ट ड्रिङ्क र जुस, मुटुसम्बन्धी रोगसँग सम्बन्धित रहेको देखाएको थियो । तर केही फलफुलमा हुने भिटामिन र खनिजलगायत गुणकारी तत्वले फाइदा पनि गराउन सक्ने भन्दै यो विषयमा थप अनुसन्धान आवश्यक रहेको अनुसन्धानकर्ताले बताएका छन् ।

अन्तिम अपडेट: मंसिर १५, २०७६

तपाईको प्रतिक्रिया