नुवाकोट : फुपूले गरिन् ३ वर्षीय भदाको हत्या

 कात्तिक १५, २०७६ शुक्रबार २०:३१:५७ | उज्यालो सहकर्मी
unn.prixa.net

नुवाकोट - नुवाकोटमा एक महिलाले आफ्ना भाइको छोरा(भदा)को हत्या गरेकी छिन् ।

शुक्रबार अपरान्ह बेलकोटगढी नगरपालिका–१२ देउराली लामाटोलका तीन वर्षीय बालक सुजन रानामगरको  २८ वर्षिया पार्वती राना मगरले खुर्पाले हानेर हत्या गरेकी हुन् । पार्वतीले आफ्नै भाइ नवराजका छोरा सुजनको हत्या गरेको प्रहरीले जनाएको छ ।

नाताले फुपू पर्ने पार्वतीले घरमा कोही नभएको बेला खुर्पाले घाँटीमा हानेर सुजनको हत्या गरेको जिल्ला प्रहरी कार्यालयका प्रहरी निरीक्षक विष्णु फुयाँलले जानकारी दिनुभयो । बालकको घटनास्थलमै ज्यान गएको फुयाँलले जानकारी दिनुभयो ।

हत्यामा संलग्न भनिएकी पार्वतीलाई प्रहरीले पक्राउ गरिसकेको छ । पार्वती आफ्नो पतिसँग सम्बन्ध विच्छेद गरी केही वर्षदेखि माइतीमा बस्दै आएको प्रारम्भिक जानकारी प्राप्त भएको प्रहरीले जनाएको छ । घटनाको अनुसन्धान भैरहेको प्रहरीले जनाएको छ । 

अन्तिम अपडेट: मंसिर ६, २०७६

तपाईको प्रतिक्रिया