छाेराकाे कुटाइबाट आमाकाे ज्यान गयाे

 कात्तिक १६, २०७६ शनिबार ११:४२:१४ | उज्यालो सहकर्मी
unn.prixa.net

कपिलवस्तु – कपिलवस्तु नगरपालिका ८ काे पश्चिम दोहनीमा छोराको कुटाइबाट आमाको ज्यान गएको छ । छोरा सुरेन्द्र कुर्मीले कुटपिट गरी ५५ वर्षीया आमा फूलमतीको हत्या गरेको वडाध्यक्ष शिवकुमार पाण्डेयले बताउनुभयो । 

सुरेन्द्रले रक्सी सेवन गरी शनिबार राति घरमा आगो लगाउँदै आमाको कुटपिट गरी हत्या गरेको प्रहरीले बताएको छ । मृतक फूलमतीको शव पोष्टमर्टमका लागि जिल्ला अस्पताल कपिलवस्तु पठाइएको छ । छोरा सुरेन्द्र फरार छन्, उनको खोजी भैरहेको प्रहरीले जनाएको छ ।

सगोलमा रहेको खेतमध्ये दुई बिघा आफ्नो नाममा दर्ता गरिदिनुपर्ने माग राख्दै सुरेन्द्रले परिवारमा झगडा गरिरहने गरेको वडाध्यक्ष शिवकुमार पाण्डेयले जानकारी दिनुभयो । 

अन्तिम अपडेट: चैत ८, २०८०

तपाईको प्रतिक्रिया