काठमाण्डौमा पहिलो पटक घर किन्दा ७० प्रतिशतसम्म ऋण पाइने, ब्याजदर बढे पनि किस्ताको रकम बढ्दैन

कात्तिक १८, २०७६ सोमबार ८:५९:५८ | उज्यालो सहकर्मी

काठमाण्डौ – काठमाण्डौमा पहिलो पटक घर किन्नेलाई नेपाल राष्ट्र बैंकले सहज नियम बनाइदिएको छ ।

राष्ट्र बैंकले २०७५ सालको एकीकृत निर्देशिका परिवर्तन गर्दै काठमाण्डौ उपत्यकामा पहिलो पटक घर किन्दा बैंकबाट ७० प्रतिशतसम्म ऋण पाउन सक्ने व्यवस्था गरेको हो ।

यसअघि ६० प्रतिशतसम्म ऋण पाइनेमा निर्देशिका संशोधन गर्दै केन्द्रीय बैंकले डेढ करोड रुपैयाँसम्मको घर किन्दा स्वीकृत धितोको ७० प्रतिशतसम्म ऋण पाइने व्यवस्था गरेको हो ।

तर यसको लागि राष्ट्र बैंकले केहि शर्त राखेको छ । नयाँ घर किन्दा बैंकबाट ७० प्रतिशतसम्म ऋण लिन बढीमा तीन हजार वर्गफिटसम्मको घर तथा अपार्टमेन्ट हुुनुपर्ने र त्यो ऋणी आफूले मात्र प्रयोग गर्नुपर्नेछ ।

यस्तै यसअघि कुनै पनि बैंक तथा वित्तीय संस्थाबाट ऋण लिएर घर तथा अपार्टमेन्ट निर्माण वा खरिद नगरेको हुनुपर्नेछ । र घरभाडालाई ऋणीको आम्दानीको स्रोतको रुपमा देखाउन नपाइने व्यवस्था गरेको छ ।

ब्याजदर बढ्दा किस्ताको रकम बढाउन नपाइने

राष्ट्र बैंकले ऋण लिएर घर किन्नेलाई थप सहज बनाइदिएको छ । निर्देशिका परिवर्तन गर्दै राष्ट्रबैंकले बैंक तथा वित्तीय संस्थाले पहिलो पटक घर किनेको व्यक्तिको ऋणको ब्याजदर बढाए पनि मासिक किस्ता रकम भने बढाउन नपाउने व्यवस्था गरेको छ ।

बैंकहरुले यसअघि ब्याजदर बढेपछि मासिक किस्ता रकम बढाउँदै आएका थिए । राष्ट्र बैंकले भनेको छ, ‘कर्जाको ब्याजदर वृद्धि भएमा पूर्व निर्धारित मासिक किस्ता वृद्धि नगरी कर्जा भुक्तान हुने व्यवस्था मिलाउनुपर्नेछ ।’

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्