न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाण्डौ – आउँदो मंसिर १४ गते हुने पालिकाको उपचुनावका लागि बुधबार मनोनयनपत्र दर्ता हुँदैछ । बिहान १० बजेदेखि दिउँसो १ बजेसम्म मुख्य र निर्वाचन अधिकृतको कार्यालयमा उम्मेदवारको मनोनयनपत्र दर्ता गरिने निर्वाचन आयोगले जनाएको छ ।
पालिकाका सदस्य उपचुनावका लागि मुख्य र निर्वाचन अधिकृतको कार्यालय सम्बन्धित स्थानीय तहको केन्द्रमा स्थापना भइसकेको छ । वडाध्यक्ष पदको उम्मेदवारले नेपाली नागरिकताको प्रमाणपत्रको प्रतिलिपि र सम्बन्धित वडाको मतदाता नामावलीमा नाम समावेश भएको निस्सा पेस गर्नुपर्नेछ ।
अध्यक्ष/उपाध्यक्ष/प्रमुख/उपप्रमुख पदका उम्मेदवारले नेपाली नागरिकताको प्रमाणपत्रको प्रतिलिपिसहित सम्बन्धित गाउँपालिका वा नगरपालिकाको कुनै वडाको मतदाता नामावलीमा नाम समावेश भएको निस्सा हुनुपर्नेछ । कुनै राजनीतिक दलका तर्फबाट उम्मेदवार हुने व्यक्तिको हकमा मनोनयन दर्ता गर्दा पार्टीले दिएको उम्मेदवार मनोनयनको औपचारिकपत्र, प्रस्तावक र समर्थकको नाम, सम्बन्धित पालिका र वडाको मतदाता नामावलीमा नाम दर्ता भएको व्यहोरा खुल्ने प्रमाण पेस गर्नुपर्नेछ ।
पालिकाको अध्यक्ष/उपाध्यक्ष/प्रमुख/उपप्रमुखका लागि एक हजार पाँच सय र वडाध्यक्षका लागि एक हजार रुपैयाँ धरौटी तोकिएको छ । उपमहानगरपालिकाको प्रमुखका लागि पाँच लाख ५० हजार रुपैयाँ, वडाध्यक्षका लागि दुई लाख ५० हजार रुपैयाँ, नगरपालिकाको वडाध्यक्षका लागि दुई लाख रुपैयाँ, गाउँपालिको अध्यक्ष र उपाध्यक्षका लागि तीन लाख ५० हजार रुपैयाँ र वडाध्यक्षका लागि एक लाख ५० हजार रुपैयाँ प्रचारप्रसारको खर्च सीमा निर्धारण गरिएको छ ।
पालिकाको पदाधिकारीको चुनाव प्रचारप्रसारका लागि १० दिनको समय तोकिएको छ । पालिकाको एक नगरप्रमुख, तीन गाउँपालिका अध्यक्ष, एक गाउँपालिका उपाध्यक्ष र ४३ वडाध्यक्षका लागि उपचुनाव हुन लागेको हो ।